साताका सात अमेरिकी इमिग्रेशन अपडेट

प्रकाशित मिति : माघ २०, २०७३ बिहीबार

 

गत साताका सातमुख्य इमिग्रेशन अपडेटका बारेमा न्युयोर्कका चर्चित कानुन व्यवसायी खगेन्द्र जीसीले जानकारी दिनुभएको छ । खसोखासका पाठकका लागि यी जानकारीहरु उपयुक्त हुने ठानेर यहाँ प्रस्तुत गरेका छौं ।
१ अमेरिकामा राष्ट्रपति डोनाल्ड ट्रम्पको कार्यकाल सुरु भइसकेको छ । कार्यकालको सुरुवातसँगै होमल्याण्ड सेक्युरिटीमा नयाँ सेक्रेटरी जोन केली नियुक्त भएका छन् । अब केलीमार्फत ट्रम्पको अध्यागमन नीति कार्यान्वायन हुने भएको छ ।

२ डिफर्ड एक्सन फर चाइल्डहुड एराइभल डाकालाई खारेज गर्ने भनिएपनि ट्रम्पले सदनमा सल्लाह गरेर प्रकृया अगाडि बढाउने बताएका छन् । जति छिटो ओबामा कार्यकालमा ल्याइएका नीतिहरु उल्टाउने भनिएको थियो, त्यती छिटो हुने सम्भावना छैन । कस्तो खालको नीति निर्माण गर्ने भन्नेमा अझै केही समय लाग्ने देखिएको छ ।

३ आपराधिक रेकर्ड भएका व्यक्तिलाई अमेरिकाबाट देश निकाला गर्नेमा प्राथमिकता लिएको देखिन्छ । पहिलो प्राथमिकतामा ट्रम्प प्रशासनले यो कुरालाई राख्ने देखिन्छ । गैर कानुनी रुपमा प्रवेश गर्ने क्रमलाई रोक्नेमा उनीहरुको उच्च प्राथमिकतामा छ ।

४ अमेरिकामा कानुनी रुपमा छिर्न खोज्नेहरुलाई ट्रम्पविरोधी भएका कारण अमेरिका छिर्न नदिइएको समाचार चर्चामा छ । तर यो ट्रम्पको नीति नै हो जस्तो देखिन्न । अमेरिकाको अध्यागमन नीति कार्यान्वयनका क्रममा अध्यागमनका अधिकारीहरुले यसलाई यस्तो गरेका हुन् । यो नीतिगत रुपमा नै होइन । तर यसले नकारात्मक सन्देश दिइरहेको छ ।

५ संघीय एजेन्सीहरुले पूराना कर्मचारीको अवधि सकिएपनि नयाँ कर्मचारी नियुक्त गर्न नपाउने गरी ट्रम्पको आदेश आएको छ । संघीय कर्मचारीहरुको सन्दर्भमा अध्यागमन कर्मचारीका सन्दर्भमा यो नीति लागु नगरेको भए हुने थियो । यो एउटा कमजोरी हो । किनभने राम्रोसँग अध्यागमन संचालन गर्ने, मुद्दाहरुको छिटो टुंगो लगाउने, प्रणालीलाई सहज बनाउने हो भने कर्मचारी नियुक्त गर्नमा रोक लगाउनु हुँदैनथ्यो ।

६ अध्यागमनमा अनिर्णित मुद्दाहरुको ठूलो ब्याकलग रहेको छ, त्यो अझ थपिने सम्भावना छ । अवधि सकिएपछि नयाँ कर्मचारी राख्न नपाएपछि मुद्दाहरु लम्बिने कुरा त स्वत हो । इमिग्रेशनमा पनि नयाँ न्यायाधिसहरु नियुक्त गरेर मुद्दाहरु छिटो टुंगो लगाउने प्रकृया अगाडि बढिरहेको थियो । तर अब नयाँ न्यायाधिस आउने कुरा भएन । नयाँ न्यायाधिस नआउने र पूरानाको अवधि सकिने हुँदा ब्यागलग अझ बढ्ने देखिन्छ । त्यसको असर नेपाली मुद्दाहरुमा पनि पर्छ । एसाइलमका मुद्दाहरुमा पनि यसको असर पर्छ । युएससीआईएसमा हालिने हरेक केसमा निर्णयको अवधि लम्बिनसक्ने सम्भावना रहन्छ । यसमा पछि अपवाद ल्याउन सक्छ । तर अहिलेकै अवस्थामा युएससीआईएसमा हालिने हरेक आवेदनमा निर्णयको अवधि अझ लम्बिने सम्भावना छ ।

७ अन्तमा, युएससीआईएसमा नयाँ आवेदन दिनेहरुले नयाँ फर्म र नयाँ शुल्क पठाउन नविर्सनुहोला । नत्र आवेदन अस्वीकृत हुनेछ ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com