एनआरएनए अमेरिकाको चुनाव स्थगित गर्न दिएको निर्देशनको पूर्व क्षेत्रीय संयोजक सोनाम लामाको स्वागत
प्रकाशित मिति : बैशाख ३१, २०७६ मंगलबार
गैर आवासिय नेपाली संघ अमेरिकाज् क्षेत्रका क्षेत्रीय संयोजक गौरी राज जोशीले एनआरएनए अमेरिकाको निर्वाचन स्थगित गर्नका लागि दिएको निर्देशनको पूर्व क्षेत्रीय संयोजक सोनाम लामाले स्वागत गरेका छन् । उक्त विज्ञप्तीलाई ध्यान दिएर सहज वातावरणमा विवाद रहित ढंगले निर्वाचन सम्पन्न गर्न लामाले निर्वाचन आयोगलाई आग्रह गरेका छन् ।
सोनामा लामाले भनेका छन् – ‘गैर आवासिय नेपाली संघ, राष्ट्रिय समन्वय परिषद अमेरिकाको निर्वाचन सधै निष्पक्ष र धादली रहित हुनुपर्दछ। यस संस्थालाई कुनै पनि बाहनामा विवादित वनाउनु हुन्न।’
‘यस संस्था कुनै पनि राजनितिक स्वार्थ , ब्यक्तिगत स्वार्थ भन्दा माथि उठेर संस्थाको बृहत्तर हितको लागि नेतृत्वमा आउन ईच्छुक आम एन आर एनहरुलाई सहभागी हुने सौहार्दपुर्ण वातावरण बनाउनु हरेक राष्ट्रिय समन्वय परिषदको प्रमुख दायित्व हो।’ – एनआरएन नेता लामाको भनाई छ ।
करिब ८० भन्दा बढी राष्ट्रिय समन्वय समितिको चुनाव हुन बाँकी रहेको र अन्तर्राष्ट्रिय समन्वय समितिको विधान अनुसार गैर आवासिय नेपाली संघ, राष्ट्रिय समन्वय परिषद अमेरिकाको निर्वाचन गर्ने पर्याप्त समय हुदां हुदै चुनाव गर्न यती धेरै हतारिनु कुनै आवश्यक नरहेको सोनाम लामाको भनाई छ ।
‘गैर आवासिय नेपाली संघ, राष्ट्रिय समन्वय परिषद अमेरिकाको निर्वाचन आयोगले जनमानसमा उठेका सबै सवालहरुको निश्पक्ष छानबिन गरेर, पुर्ण पारदर्शी ढंगले, विवादरहित वातावरणमा चुनाव सम्पन्न गर्न म व्यक्तिगत रुपमा विशेष अनुरोध गर्दछु।’ – लामाले भने ।