नेपालीको टीपीएसको स्थायी समाधानको माग गर्दै कँग्रेसम्यान पिटर किङ्गलाई ज्ञापन पत्र
प्रकाशित मिति : बैशाख ४, २०७६ बुधबार
अमेरिकी सरकारले अमेरिकामा बस्ने नेपालीहरुलाई प्रदान गरेको टीपीएस सुविधाको स्थायी समाधानको माग गर्दै कँग्रेसम्यान पिटर किङ्गलाई ज्ञापन पत्र बुझाइएको छ । लंग आईल्याण्ड नेपाली समाजका अध्यक्ष टिकाराज ढकालको नेतृत्वमा टीपीएसको स्थायी समाधानको माग गर्दै ज्ञापनपत्र बुझाइएको हो ।
ज्ञापन पत्र बुझाउने टोलीमा अधिकार संस्थाकी प्रार्थना गुरुङ, अरुणा बास्कोटा, समाजका उपाध्यक्ष कल्पना थापा, एनआरएनए न्युयोर्क च्याप्टरका महासचिव महेश खड्का, जनसम्पर्क समिति अमेरिका लंगआईल्याण्ड च्याप्टरका सभापति विश्व वास्तोला, उपसभापति विनोद थापा, अमित सिंह लगायत हुनुहुन्थ्यो ।
समाजका अध्यक्ष टिका ढकालले बितेको बर्ष पनि आफ्नो समुदायको समस्या ल्याउदा सकारात्मक जवाफ र सहयोग पाएको स्मरण गराउदै अहिले अस्थाई नभई टीपीएसवाहकको स्थायी समाधान खोज्न सुझाव दिनुभयो । अधिकारकी प्रतिनिधि प्राथना गुरुङले अमेरिकामा नेपालीको टीपीएसको स्थायी समाधान साथै डाका लगायत विभिन्न अध्यागमन समस्याको बारेमा जानकारी दिदै समाधानको लागी सहयोगको अपिल गर्नुभयो ।
च्याप्टर महासचिब महेश खड्काले टीपीएसको स्थायी स्थाई समाधान आवश्यक हुनुको कारण र यसबाट उनीहरुका परिवारलाई भएको फाइदाबारे बताउनुभयो । कँग्रेसम्यानबाट यसबारेमा सकारात्मक जवाफ आएको थियो ।