डोनाल्ड ट्रम्प बिरुद्ध लाखौं सडकमा

खसोखास अमेरिका ब्यूरो

---

प्रकाशित मिति : माघ ८, २०७३ शनिबार

अमेरिकी राष्ट्रपति डोनाल्ड ट्रम्पबिरुद्ध शनिवार अमेरिकाका सडकहरुमा लाखौंले प्रदर्शन गरेका छन् । विश्वभर ६ सय भन्दा धेरै प्रदर्शनहरु गरिएपनि सबैभन्दा मुख्य प्रदर्शन वासिंटन डिसीमा गरिएको थियो । डोनाल्ड ट्रम्पको शासनकालमा महिला अधिकार जोखिममा रहेको भन्दै ट्रम्पबिरुद्ध प्रदर्शन गरिएको हो ।

वासिंटन डिसीमा ट्रम्पबिरुद्ध गरिएको प्रदर्शनमा ५ लाख भन्दा धेरैको उपस्थीति रहेको सिटीका अधिकारीहरुको अनुमान रहेको छ । प्रदर्शनमा अपेक्षा गरिएभन्दा धेरैको उपस्थीति रहेका थियो ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

डोनाल्ड ट्रम्पको पद र सपथग्रहण कार्यक्रममा भन्दा बिरोध प्रदर्शनमा धेरैको उपस्थीति रहेको थियो । शिकागोमा डेढलाख भन्दा धेरै सडकमा उत्रिएर ट्रम्पको बिरुद्ध प्रदर्शन गरेका छन् भने लस एन्जलसमा पनि ट्रम्पबिरुद्धको प्रर्दशनका क्रममा सडकहरु भरिभराउ भएका थिए ।

लण्डनमा ट्रम्पबिरुद्धको प्रदर्शनमा ८० हजारदेखि १ लाखको उपस्थीति रहेको बीबीसीले जनाएको छ । अष्टे्रलिया, न्युजिल्याण्ड र एसियाका अन्य शहरहरुमा पनि ट्रम्पकोबिरुद्ध प्रदर्शनहरु भएका छन् । सिड्नी र मेलबर्नमा ठूलो संख्यामा प्रदर्शनकारीहरु भेला भएका थिए । बार्सिलोना, रोम, आम्स्टर्डम, जेनेभा लगायतका युरोपियन शहरहरुमा पनि ट्रम्पबिरुद्ध प्रदर्शनहरु भएका छन् ।

डोनाल्ड ट्रम्पबिरुद्ध डिसीमा गरिएको प्रदर्शन । 

तस्विरहरु : बीबीसी र हफिंटन पोष्ट