अमेरिकाले कामदार भिसाका थप आवेदन अस्वीकार गर्ने

प्रकाशित मिति : पुस २९, २०७३ शुक्रबार

आर्थिक बर्ष २०१७ को पहिलो आधाका लागि अमेरिकामा कामदार भिसा एच टु बीका थप आवेदन नलिने अमेरिकी सरकारको युएससीआईएसले प्रष्ट पारेको छ । सन् २०१७ को पहिलो आधाका लागि तोकिएका संख्यामा आवेदनहरु प्राप्त भइसकेकाले थप आवेदन आएमा सिधै अस्वीकृत गरिने युएससीआईएसले जनाएको छ । सन् २०१७ को जनवरी १० कामदार भिसाका नयाँ आवेदन प्राप्त गर्ने अन्तिम दिन रहेको र अब प्राप्त हुने आवेदन नलिइने जनाइएको छ ।

ती आवेदनहरु सन् २०१७ को अप्रिल १ भन्दा अगाडि कामसुरु गर्ने अनुरोध सहित दिइएका आवेदनहरु हुन् । जनवरी १० भन्दा पछाडि प्राप्त आवेदनहरु अस्वीकृत गरिने तर तोकिएको सिमाबन्दी नलाग्ने आवेदनहरुका हकमा भने त्यो लागु नहुने जनाइएको छ । अहिलेएच टु बी भिसामा रहेर अमेरिकामा रहने अबधी लम्बाउन चाहनेहरु, रोजगारदाता परिवर्तन गर्न चाहनेहरु वा रोजगारका केही मापदण्डहरु परिवर्तन गर्न चाहनेहरुका हकमा भने यो सिमाबन्दी लागु नहुने युएससीआईएसले जनाएको छ ।

एच टु बी भिसा कार्यक्रम अमेरिकामा कृषि बाहेकका अन्य काममा रोजगारका लागि विदेशबाट आउनेहरुका लागि प्रदान गरिने भिसा कार्यक्रम हो । यो कार्यक्रमले रोजगारदातालाई कृषि बाहेकका अन्य क्षेत्रमा विदेशबाट अमेरिकामा कामदार भित्राउन स्वीकृति प्रदान गर्दछ । सरकारले यो भिसाका लागि ६६ हजारको सिमाबन्दी तोकेको छ ।

अप्रिल १ भन्दा अगाडि काम सुरु गर्नेहरुका लागि ३३ हजार र अप्रिल १ पछि काम सुरु गर्नेहरुका लागि ३३ हजारको सिमाबन्दी रहेकोमा त्यो संख्यामा आवेदन प्राप्त भइसकेपछि युएससीआईएसले आवेदन अस्वीकृत गर्दै आएको छ । आर्थिक बर्षको पहिलो आधामा प्रयोग नभएका नम्बरहरु रोजगारदाताले अप्रिल १ पछिको दोश्रो आधा अवधिमा प्रयोग गर्न पाउने नियम रहेको छ । तर बर्षभरीमा प्रयोग नभएका नम्बरहरु अर्को आर्थिक बर्षमा प्रयोग गर्न भने पाइनेछैन ।

बर्षेनी लगभग ८ सयको हाराहारीमा नेपालीहरुले अमेरिकाको कामदार अर्थात् एच भिसा उपयोग गर्दै आएका छन् । आर्थिक बर्ष सन् २०१५ मा ८ सय १८ जना नेपालीहरुले अमेरिकाको कामदार भिसा प्राप्त गरेका थिए । सन् २०१४ मा ८६८ जना नेपालीहरुले अमेरिकाको कामदार भिसा प्राप्त गरेका थिए । त्यस्तै सन् २०१३ मा ७५६ जना नेपालाीहरुले कामदार अर्थात् एच भिसा प्राप्त गरेका थिए । सन् २०१२ मा ८ सय २८ जना नेपालीहरुले कामदार भिसा अर्थात् एच भिसा प्राप्त गरेको अमेरिकी सरकारको डिपार्टमेन्ट अफ स्टेटले जनाएको छ ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com