चालु आर्थिक बर्षमा ९ लाख कागजपत्रविहिनलाई पक्राउ गर्ने अमेरिकी सरकारको योजना
प्रकाशित मिति : फाल्गुन २३, २०७५ बिहीबार
चालु आर्थिक बर्षमा ९ लाखभन्दा धेरै कागजपत्रविहिनहरुलाई पक्राउ गर्ने योजना रहेको अमेरिकी सरकारको डिपार्टमेन्ट अफ होमल्याण्ड सेक्युरिटीकी सेक्रेटरी क्रिस्चेन निल्सेनले बताएकी छिन् । उनले चालु आर्थिक बर्षमा मेक्सिकोको सिमाक्षेत्रबाट प्रवेश गर्न खोज्ने ९ लाख बढी कागजपत्रविहिनलाई पक्राउ गर्ने बताइन् ।
मानवतस्करहरुले कागपत्रविहिनलाई गलत एसाइलम फाइल गर्न उक्साइरहेको समेत उनले बताइन् । उनले डेमोक्र्याट्सहरुलाई कानुन कार्यान्वयनमा सघाउन समेत आग्रह गरिन् । निल्सेनले ट्रम्पबाट घोषित राष्ट्रिय संकटकाल समेत जायज भएको बताइन् ।
सीबीपीले गतमहिना ७६ हजार १ सय ३ कागजपत्रविहिनहरुलाई सिमाक्षेत्रमा पक्राउ गरेको थियो । सन् २००७ यताका सबै फरबरी महिनाको तुलनामा बढी हो । गतमहिना पक्राउ परेकाहरुमध्ये ४० हजार बाबुआमा र उनीहरुसँग यात्रा गरिरहेका केटाकेटीहरु रहेको जनाइएको छ ।
