न्युयोर्कमा ट्रम्पको गल्फ कोर्समा कार्यरत १२ जना कागजपत्रविहिनलाई कामबाट निकाला
प्रकाशित मिति : माघ १३, २०७५ आईतबार
अमेरिकी राष्ट्रपति डोनाल्ड ट्रम्पको न्युयोर्कमा रहेको एउटा गल्फ कोर्समा कार्यरत १२ जना कागजपत्रविहिनहरुलाई कामबाट निकालिएको छ । न्युयोर्कको वेस्टचेस्टरमा रहेको गल्फ कोर्समा कार्यरत उनीहरु कागजपत्रविहिन रहेको त्यहाँका मेनेजरलाई पहिलेदेखि नै थाहा भएको जनाइएको छ ।
कागजपत्रविहिनलाई अमेरिका आउनबाट रोक्न पर्खाल लगाउने विषयमा भएको विवादका कारण सरकार शटडाउन भएको बखत मेनेजरले कामदारलाई एकएक गर्दै कोठामा बोलाएर कामबाट निकालेका थिए । कामबाट निकालिएकाहरुले गल्फ कोर्समा १२ बर्ष देखि १४ बर्षभन्दा पनि लामोसमयदेखि कार्यरत रहेको जनाइएको छ ।
न्युजर्सीमा रहेको ट्रम्प क्लबबाट तीनजना कागजपत्रविहिन कामदारलाई निकाले लगत्तै न्युयोर्कमा रहेको गल्फ कोर्सबाट उनीहरुलाई निकालेको हो ।