जापानका धेरै क्षेत्रमा भारी हिमपात, जनजीबन प्रभावित
प्रकाशित मिति : पुस १४, २०७५ शनिबार
पूर्वी र पश्चिम जापानमा भएको भारी हिमपातका कारण दैनिक जनजीबन कष्टकर बनेको छ । यसले नयाँ बर्षको विदामा घुमघामका लागि निस्कन चाहानेहरुलाई समेत प्रभाव पारेमो क्योदो न्यूजले उल्लेख गरेको छ ।
शुक्रबार चिसो हावासँगैको भारी हिमपातले तोकाई र यामागाता प्रिफेक्चरका धेरै स्थानहरुमा भएको भारी हिमपातले नागरिक प्रभावित बनेका छन् । ति स्थानहरुमा हिमपातको क्रम आइतबारसम्मै जारी रहने मौसम एजेन्सीका े अनुमान छ । साथै भोलीदेखि निगाता, कान्साईका थप भागहरु, तोहोकु, होकुरिकु सहित होक्काईदोमा समेत हिमपात हुने उनीहरुको अनुमान छ । हिमपातको सम्भावना रहेका क्षेत्रहरुमा घर बाहिरको यात्रा गर्दा सजगता अपनाउन र घर भित्र रहँदा न्यानो कपडा र वातानुकुलीत अवस्थामा रहन अधिकारीहरुले आग्रह गरेका छन् ।
जापानको मौसम एजेन्सीले होक्काईदो र होकुरिकुमा प्रतिघण्टा ७२ किलोमिटर तिब्रगतिको हावासहितको हिमपात हुने तथा तोहोकुमा ६५ किलोमिटर प्रतिघण्टाको तिब्रतामा हिमपात र चिसो हावा बहने अनुमान लगाएको छ । केही क्षेत्रमा प्रतिघण्टा १०८ किलोमिटरको दरले चिसो हावा बग्ने अनुमान लगाइएको छ ।
यामागाता प्रिफेक्चरमा शुक्रबार बिहान ६५ बर्षिय एक बृद्ध हिउँमा मृत अवस्थामा भेटिएका छन् । हिउँ परेका समयमा पैदल हिँडिरहेका उनको अति चिसोका कारण निधन भएको ठानिएको छ ।
टोकियो र यस आसपासका क्षेत्रमा समेत शुक्रबार निकै चिसो महशुष भएको थियो । जापानको मौषम एजेन्सीका अनुसार टोकियो सहित यसको आसपासमा जनवरी दोस्रो साताबाट हिउँपर्ने सम्भावना देखिएको छ ।
प्रधानमन्त्रि सिन्जो आवेले सरकारी निकायहरुलाई बिदाको समयमा प्राकृतिक विपत्ति लगायतका अन्य आपतविपतमा ‘अलर्ट’ रहन भनेका छन् ।
२०१८ भरनै जापानले विभिन्न प्राकृतिक प्रकोपहरुको सामना गर्नुपरेको थियो । भारी बर्षा, शक्तिशाली आँधी, शक्तिशाली भूकम्प तथा अधिक गर्मीका कारण जापानभरमा धेरैले ज्यान गुमाएका थिए ।
