अष्ट्रेलियामा घरबारविहीनको संख्या बढ्दै, १ लाख १० हजार घरबारविहीन
प्रकाशित मिति : पुस १२, २०७५ बिहीबार
विश्वकै महँगो शहरमा सूचीकृत अष्ट्रेलियाको सिड्नीमा घरवारविहीनको संख्या बढ्दै गएको छ ।
अष्ट्रेलियाका शहरमध्ये सिड्नीमा घरबारविहीन संख्या ७० प्रतिशतले बढेको देखिएको छ । अष्ट्रेलियाभरीमा १ लाख १० हजार घरबारविहीन रहेको तथ्यांक सार्वजनिक भएको छ ।
यसैबीच बस्नका लागि विश्वका सबैभन्दा महँगा शहरको सूचिमा सिड्नीले न्यूयोर्क र लण्डनलाई पनि पछि पारेको छ । ईकोनोमिष्ट ईन्टेलिजेन्स युनिटको अध्ययन अनुसार अघिल्लो वर्षभन्दा चार कदम अघि बढेर सिड्नीले महँगा शहरको सूचिमा आफुलाई टप टेनमा उभ्याएको हो । यो अध्ययनमा भाडा, खाना, लुगा, पेट्रोल र चुरोट लगायतको मूल्यलाई आधार बनाइएको हुन्छ । विश्वका १ सय ६० शहरहरुको विश्लेषणमा सिंगापुर विश्वको सबैभन्दा महँगो शहरमा दरिएको छ ।
सिड्नीको औसत दुई बेडरुम युनिटको ९ सय १० डलर प्रतिप्ता रहेको छ जहाँकी ८ सय ९६ डलरमा न्यूयोर्कमा त्यही दुई बेडरुमको युनिट पाउन सकिन्छ । न्यूयोर्क यो सूीचमा चौध नम्बरमा परेको छ भने लण्डन ३० औं नम्बरमा छ ।