अमेरिकामा अर्का बालकको पनि अध्यागमन हिराशतमा निधन, कारण के हो ?
प्रकाशित मिति : पुस ११, २०७५ बुधबार
अमेरिकाको सरकारी हिराशतमा ८ बर्षका अर्का ग्वाटेमालाका बालकको पनि मृत्यु भएको छ । यसैमहिना अमेरिकाको हिराशतमा आप्रवासी बालबालिकाको मृत्यु भएको यो दोश्रो घटना हो । क्रिसमसका दिन ती बालकको मृत्यु भएको हो ।
सोमबार बालक बिरामी भएको संकेत मिलेपछि न्यु मेक्सिको राज्यको अस्पतालमा लगिएको थियो । बालकलाई रुघा र ज्वरो आएको डाक्टरले बताएका थिए । त्यसपछि उनलाई एमोक्सिलिन र बुफ्रिन औषधी दिएर अस्पतालबाट डिस्चार्ज गरिएको थियो ।
रिंगटा लाग्ने र बान्ता हुने भएपछि ती बालकलाई सोमबार बेलुका पुन अस्पताल लगिएको थियो । त्यसपछि उपचारका क्रममा उनको निधन भएको थियो । बालकको मृत्युको कारण भने अहिलेसम्म नखुलेको डिपार्टमेन्ट अफ होमल्याण्ड सेक्युरिटीको इन्सपेक्टर जनरलले जनाएका छन् ।
केही दिन पछि ७ बर्षकी ग्वाटेमालाकै बालिकाको अध्यागमन हिराशतमा मृत्यु भएको थियो । ती बालिका ज्याकलिन कालको शब सोमबार उनको परिवारलाई बुझाइएको छ ।