राजधानीमा भूकम्पको धक्का महशुस
प्रकाशित मिति : पुस ८, २०७५ आईतबार
राजधानीमा समेत धक्का महशुस हुने गरेर सिन्धुपाल्चोक केन्द्रबिन्दु भएर ४ दशमलव ७ रेक्टर स्केलको परकम्प गएको छ ।
आइतबार बिहान ५ बजेर ६ मिनेटमा सिन्धुपाल्चोक केन्द्रबिन्दु भएर ४ दशमलव ७ रेक्टर स्केलको परकम्प गएको राष्ट्रिय भूकम्प मापन केन्द्रले जनाएको छ ।
परकम्पको धक्का उपत्यकामा पनि महशुस गरिएको छ । केन्द्रका अनुसार यो २०७२ साल वैशाख १२ गतेकै भूकम्पको परकम्प हो ।
ठूला भूकम्प गइसकेपछि लामो समयसम्म यस्ता परकम्प आइरहने गर्छ । पछिल्लो समय कात्तिक ८ गते सिन्धुपाल्चोक र दोलखाको सिमानामा ४ रेक्टर स्केलको परकम्प गएको थियो ।