सांसद घर्तीमगरको नयाँदिल्लीमा निधन
प्रकाशित मिति : मंसिर २८, २०७५ शुक्रबार
गण्डकी प्रदेशका सांसद टेकबहादुर घर्तीमगरको निधन भएको छ । सांसद घर्तीमगरको नयाँ दिल्लीस्थित अपोलो अस्पतालमा उपचारको क्रममा निधन भएको हा ।
घर्तीमगरको गएराति १ बजे मृत्यु भएको अस्पतालको डाक्टरले घोषणा गरेको उनका आफन्तले जानकारी दिए । ४६ वर्षीय घर्ती विगत केही दिनदेखि कलेजोसम्बन्धी रोगबाट पीडित थिए ।
१७ दिनसम्म काठमाडौंस्थित ग्राण्डी अस्पतालको आइसीयूमा राखेर उपचार गराइरहेका घर्तीमगरलाई झनै बढी भएपछि गत मंगलबार भारतको राजधानी नयाँ दिल्लीस्थित अपोलो अस्पताल पुर्याइएको थियो ।
एयर एम्बुलेन्सबाट घर्तीमगरलाई अपोलो अस्पतालमा पुर्याएर उपचारको लागि भर्ना गरिएको थियो । उनको लिभर आईसीयूमा राखी उपचार गरिएको थियो ।
सांसद घर्तीमगर बागलुङको क्षेत्र नं २ को ‘ख’बाट प्रदेशसभा सदस्यमा बामगठवन्धनबाट उम्मेदवार बनी विजयी भएका थिए । उनी ढोरपाटन नगरपालिका– ५ अधिकारीचौर सइखोला निवासी हुन् ।