Follow @khasokhasmag

‘कांग्रेस माकुराको जालो हो, बहुमतको सरकारलाई छेक्न सक्दैन्’- गण्डकी प्रदेशका सांसद पहारी


प्रकाशित मिति : भाद्र २५, २०७५ सोमबार

नेपाल कम्यूनिष्ट पार्टीका प्रभावशाली युवा नेता राजिव पहारीले प्रतिपक्षी नेपाली कांग्रेसलाई माकुराको जालोको संज्ञा दिएका छन् । बहुमतको सरकारले बिकास निमार्णको अभियान शुरुवात गर्दा अनावश्यक रोकावट गरेको भन्दै उनले हात्तिलाई माकुराको जालोले छेक्न नसक्ने बताएका छन् ।

तिसौं बर्षपछि स्थायि सरकार आएको र जनताले बिकास चाहेको भन्दै नेपाली कांग्रेसको बिरोधले सरकारलाई केही असर नगर्ने दावी गर्दै जालोले छेक्ने प्रयत्न नगर्न समेत चेतावनी दिएका छन् ।

अमेरिकाको न्यूयोर्कबाट प्रकाशित हुँदै आएको खसोखास म्याग्जिनका प्रवन्ध सम्पादक अनिल अधिकारीसंग बिशेष कुराकानी गर्दै नेता पहारीले समृद्ध नेपाल खुसी नेपालीको अभियान केपी नेतृत्वको सरकारले पुरा गरेर छाड्ने बताउँदै युवा संघका पूर्व अध्यक्ष समेत रहेका पहारीले अबको पाँच बर्षमा समृद्ध नेपालको जग बस्ने र अर्को पाँच बर्षमा समृद्ध नेपाल बन्ने दावी गरेका छन् ।

देशभर बिकासको लहर आएको छ, हामी जनताको त्यो भावनाको कदर गर्दै सोही अनुसार काम गरिरहेका छौं, गण्डकी प्रदेशका सांसद समेत रहेका नेता पहारीले विश्वभर रहेका नेपालीहरुलाई बिकासीत नेपाल बनाउने महान अभियानमा सहभागि हुन समेत आग्रह गरेका छन् ।

बिदेशमा रहेका नेपालीहरुलाई नागरिकता दिन आफ्नो दल र आफु लागि रहेको जनाउँदै पहारीले भने, सम्पूर्ण गैरआवसिय नेपालीलाई नागरिकता दिनका लागि संसदमा बिधेयक पेश भएको छ, त्यो पारित हुन्छ, राजनीतिक अधिकार बाहेक सबै अधिकार दिनका लागि बिधयेकमा भएका र तर पनि जस्ता शब्द हटाएर एनआरएन नेपालीहरुलाई नागरिकता दिन्छौं ।

पूर्व एमाले र माओवादी केन्द्रको एकिकरणपछि एउटै पार्टी जस्तो लाग्छ भन्ने जिज्ञासामा नेता पहारीले अब नेपालमा एमाले र माओवादी नरहेको उल्लेख गर्दै अमेरिकामा जस्तै दुई पार्टीको अबधारणमा नेपाल जानुपर्ने बताए । उनले भने च्याउ उम्रे जस्तै सयौं पार्टीको अब नेपालमा जरुरी छैन् ।

केही दिनदेखी अमेरिकाको भ्रमणमा रहेका नेता नेपालले अमेरिकामा रहेका नेपालीहरुले गरेको प्रगतीले आफु खुसी भएको र आफ्नो ज्ञानको स्तरमा समेत बृद्धि भएको जनाउँदै, नेपालमा झन्झटिलो कानुन र स्थायी सरकार भयो भने नेपालीहरुले धेरै प्रगती गर्ने रहेछन्, भन्ने कुरामा आफु प्रष्ट भएको उल्लेख गरे ।

सरकार मनोमानी ढंगले अगाडि बढेको हो भन्ने प्रश्नमा नेता पहारीले भने, सरकार स्थायी हो, यसले आफुले देखेको सपना पुरा गर्नका लागि सानातिना कुरा भुलेर अगाडि बढ्नुपर्छ, उनले भने अहिले सबै कुरामा अदालत बाधक भएको छ, अमेरिकामा जस्तै सरकारको कार्यकारी मान्छेले अदालतमा आफ्नो पक्षको मुख्य व्यक्ति नियुक्ती गर्न पाउने कानुन बनाउनुपर्ने बताए ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com