Follow @khasokhasmag

केपी ओलीलाई गाली गर्नेलाई गतिलो झापड ! विराटनगरमा पाइपबाटै घरघरमा ग्यास


प्रकाशित मिति : श्रावण १४, २०७५ सोमबार

२०७२ असोजमा संविधान जारीभएपछि वर्तमान प्रधानमन्त्री केपी शर्मा ओली पहिलो पटक प्रधानमन्त्री बनेका थिए । भारतीय नाकाबन्दीको विरोध गरे चर्चाको शिखरमा पुगेका उनले सोही बेला पाइपका माध्यमबाट घरघरमा ग्यास पुराउने बताएका थिए ।

तर, उनको अभिव्यक्ति मजाकको विषय बन्यो । धेरै ट्रोल बनाइए र उखान टुक्काकारुपमा लिइयो । अहिले पुनः ओली प्रधानमन्त्री बनेका छन्, र उनको सपना पुरा हुँदै गएको छ ।

विराटगरका उपभोक्ताले पाइपलाइनबाटै घर–घरमा वायो ग्यासको प्रयोग गर्न पाउने भएका छन्। पहिलो चरणमा महानगरपालिका–१४ का घर–घरमा बायो ग्यास पुर्‍याउन पाइप विछाउने काम धमाधम भइरहेको छ।

विराटनगर– १४ स्थित श्रीकृष्ण गौशालाको गाईको गोवरबाट ३ सय घनमिटर ग्यास उत्पादनका लागि प्लान्ट जडान गर्ने लगायतका प्राविधिक काम सकिइसकेको छ। गौशाला परिसरमा डोम स्थापना गर्ने काम सम्पन्न भइसकेको छ। डोममा ग्यास स्टोर गरिन्छ र स्टोेर गरिएको ग्यास पाइलाइनवाट घर–घरमा पुर्‍याउने गरी तयारी भइरहेको छ।

डेढवर्ष अघि शुरु गरिएको यो प्लान्टबाट पहिलो चरणमा ३५ घरमा र त्यसपछि १ सय घरमा ग्यास पुर्‍याउने लक्ष्य रहेको बताइएको छ । प्राविधिक काम सम्पन्न भइसकेकाले पाइपलाइन विछ्याउने काममात्र बाँकी रहेको र उक्त काम यसै हप्ता पूूरा हुने बताइएको छ। साविकको जिल्ला विकास समिति, वैकल्पिक उर्जा प्रबद्र्धन केन्द्र र गौशालाको सहयोगमा काम शुरु भएको हो। अहिले जिल्ला समन्वय समितिले काम गरिरहेको छ।

प्रधानमन्त्री केपी ओलीले भनेजस्तै पाइपलाइनवाट घरघरमा ग्यास पुर्‍याउने काम अन्तिम चरणमा पुगेको स्थानीयको भनाइ छ ।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com