Follow @khasokhasmag

विभिन्न मुलुकमा रहेका नेपाली राजदूत परिवर्तन गर्ने सरकारको तयारी


प्रकाशित मिति : असार २२, २०७५ शुक्रबार

सरकारले राजनीतिक नियुक्ति खारेज गरे लगतै विभिन्न मुलुकमा रहेका नेपाली राजदूत फेर्ने तयारी गरेको छ ।

परराष्ट्र मन्त्रालयले राजदूत फेर्ने आन्तरिक तयारी थालेको बताइएको छ । केही मुलुकमा रहेका नेपाली राजदूतहरु समयावधि सकिएर फिर्ता भएसँगै केपी ओली नेतृत्वको सरकारले खालि भएका र थप मुलुकमा राजदूत नियुक्ति गर्ने भएको हो ।

तत्कालिन सरकारले नियुक्त गरेको काँग्रेस र राप्रपाका सिफारिसमा राजदूत भएकाहरुलाई फिर्ता बोलाइने सम्भावना रहेको बताइएको छ । थाइल्याण्डका नेपाली राजदूतको कार्यकाल साउनमा सकिदैछ । यसैगरी मंसीर–पुसमा जेनेभा, दक्षिण अफ्रिका, ब्राजिल लगायतका मुलुकका राजदूतहरु पनि कार्यकाल सकेर फिर्ता हुँदैछन् ।

भारत, मलेसिया, युएइस्थित राजदूतावास केही समयदेखि राजदूतविहीन छन् । विभिन्न अध्ययन प्रतिवेदनहरुले गरेको सिफारिसका आधारमा सरकारले केही बर्षयता राजदूत नियुक्त गर्दा ५० प्रतिशत कर्मचारीबाट र बाँकी ५० प्रतिशत राजनीतिक क्षेत्रबाट नियुक्त गर्ने गरिएको छ ।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com