Follow @khasokhasmag

‘नयाँ नाका खोल्न पहल गर्नुस्’- डा भट्टराई


प्रकाशित मिति : असार ३, २०७५ आईतबार

प्रधानमन्त्री केपी शर्मा ओलीले यही असार ५ गतेदेखि गर्न लाग्नुभएको चीन भ्रमणका क्रममा थप नाका खोल्नका लागि पहल गर्न नयाँ शक्ति पार्टीले आग्रह गरेको छ ।

नयाँ शक्ति पार्टीका संयोजक डा बाबुराम भट्टराईले कैलाश जाने गोरखाको झालाङ र राईलगायत ओलाङचुङ्गोला, किमाथांका, लामाबगर, लार्के, मनाङ, मुगु, हिल्सालगायतका नाका पूर्व सहमतिअनुसार २० किमीसम्म स्थानीय एकअर्काका क्षेत्रसम्म जान पाउने गरी खोल्न चिनियाँ पक्षसँग आवश्यक पहल गर्न आग्रह गर्नुभएको छ ।

यस्तै हिमालपार रेलमार्गको विषयमा समेत स्पष्ट छलफल गर्न डा भट्टराईले आग्रह गर्नुभएको छ । भौगोलिक विषमताका कारण उच्च प्राविधिक अध्ययन गर्न आग्रह गर्दै उहाँले अनुदानबाहेक ऋणमा रेलमार्ग निर्माण गर्ने विषय सहज हुने वा नहुने भन्ने विषयमा छिमेकी राष्ट्रको अनुभवसमेत नेपालका लागि उपयोगी हुने सुझाव दिनुभएको छ ।

यस्तै अघिल्लो भ्रमणका क्रममा भएका सहमति तथा सम्झौता कार्यान्वयनमा विशेष ध्यान दिन सहमति कार्यान्वयनका लागि समयावधि निर्धारण गर्नसमेत डा भट्टराईले आग्रह गर्नुभएको छ

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com