अस्थायी शिक्षकका मागमा काँग्रेस र एमालेका सांसदको साथ

प्रकाशित मिति : कार्तिक ८, २०७३ सोमबार

 

आन्दोलनरत अस्थायी शिक्षकका मागमा काँग्रेस र एमालेका सांसदले साथ र समर्थन जनाएका छन् । मुख्य दलका सांसद मार्फत् आफ्ना मागलाई बलियो बनाउन मुख्य अस्थायी शिक्षक आन्दोलन केन्द्रीय समितिले कार्यक्रम आयोजना गरेको थियो ।

कार्यक्रममा नेपाली काँग्रेसका सांसद भीमसेनदास प्रधानले माग पूरा गराउनको लागि अस्थायी शिक्षकहरुलाई आमरण अनशन गर्न सुझाव दिए । ‘यो देशमा आमरण अनशन नबसिकन राज्यले सुन्दैन, त्यसैले तपाईहरु पनि आमरण अनशनमा बस्नुहोस् ।’ उनले भने ।

teachers-3

नेकपा एमालेका सांसद प्रकाश ज्वालाले राज्यले अस्थायी शिक्षकहरुको माग पूरा गर्नको लागि नयाँ शिक्षा ऐन संशोधन गर्नुपर्ने बताएका छन् । ज्वालाले भने,‘अस्थायी शिक्षक आवश्यक भएकोले नै राज्यले राखेको हो ।’ उनले अस्थायी शिक्षकको जिन्दगी बेवारिसे बनाउने काम ठिक नभएको भन्दै आफ्नो पार्टी अस्थायी शिक्षकको मागमा एक्यबद्ध रहेको जनाए । आन्दोलनबाट राजतन्त्र फालिएको भन्दै अस्थायी शिक्षकको माग पूरा गर्न आवश्यक ऐनका एउटा दुईवटा दफा फाल्न त्यति गाह्रो काम नभएको समेत बताए ।

मुख्य तीनै दलका सांसदलाई बोलाए पनि माओवादी केन्दका सांसद भने कार्यक्रममा उपस्थित नभएको अस्थायी शिक्षक आन्दोलन केन्द्रीय समिति श्रोतले जनाएको छ । आफ्नै पाटिका मन्त्री भएकाले नआएका होलान् उक्त श्रोतले अड्कल काट्यो ।

teachers-2

कार्यक्रममा समितिका केन्द्रीय अध्यक्ष निरेन्द्र कुँवरले आफूहरुले यसअघि पनि विभिन्न आन्दोलन तथा संघर्षका कार्यक्रमहरु गरिसकेकोले यसपटक राज्यले आफ्ना मागहरु सम्बोधन नगरे कडा रुपमा प्रस्तुत हुने र देशव्यापी शैक्षिक संस्थामा पठनपाठन ठप्प पार्ने चेतावनी दिए । वर्तमान शिक्षा ऐनको विरोध गर्दै उक्त ऐनमा आफूहरुले भने बमोजिम बुँदाहरु संशोधन नगरे तिहार र छठमा पनि आन्दोलन जारी राख्ने उनको भनाई छ ।

कार्यक्रममा शिक्षा मन्त्रालयका प्रवक्ता डा. हरि लम्सालले अस्थायी शिक्षकहरुको माग पूरा गराउनको लागि सरकार जिम्मेवार रहेको उल्लेख गर्दै वार्ता तथा सहमतिबाटै निकास खोज्नुपर्ने बताए ।

०७२ असोज २ गतेसम्मका सम्पूर्ण अस्थायी शिक्षकलाई स्थायी प्रक्रियामा लैजानुपर्ने, उमेर हदका कारण अवकाशमा परेका स्थायीको प्रक्रियामा पर्न नसकेका शिक्षकलाई औषधि उपचार र उपदानको सुविधा दिनुपर्ने, द्धन्द्धपीडित तथा विस्थापित शिक्षकलाई निश्काशित सेवा अवधि गणना हुने गी पूनर्वहाली तथा स्थायी गर्नुपर्ने लगायतका ५ बुँदे माग सहित अस्थायी शिक्षक आन्दोलनमा छन् ।

teachers

teachers-5

teachers-6

Source: Edukhabar.com

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com