बसको ठक्करले मोटरसाइकलमा सवार दुईको मृत्यु
प्रकाशित मिति : चैत्र २३, २०७४ शुक्रबार
Deceased person covered in a sheet with a blank toe tag.
चैत २३, लहान । पूर्वपश्चिम राजमार्गअन्तर्गत सप्तरीको सुरुङ्गा–४ कदमाहास्थित सडकमा शुक्रबार बसले ठक्कर दिँदा मोटरसाइकलमा सवार दुईको मृत्यु भएको छ ।
पश्चिमबाट पूर्वतर्फ जाँदै गरेको ना५ख ६०२ नम्बरको बसको टायर पञ्चर भई अनियन्त्रित हुँदा स ७प ७१५० नंको मोटरसाइकललाई ठक्कर दिएको थियो । मोटरसाइकल चालक सप्तरीको कञ्चनरुप नगरपालिका–८ निवासी ४० वर्षीय शम्भु स्वर्णकार र सोही ठाउँका ३५ वर्षीय सन्दीप स्वर्णकारको मृत्यु भएको प्रहरीले जनाएको छ ।
मोटरसाइकल चालक स्वर्णकारको उपचारका लागि लहानस्थित सप्तऋषि अस्पताल ल्याउने क्रममा बाटोमै मृत्यु भएको र सन्दीपको उपचारका लागि विराटनगरस्थित न्यूरो अस्पताल लैजाने क्रममा मृत्यु भएको इलाका प्रहरी कार्यालय कडरबोनाले जनाएको छ ।
ठक्कर दिने बस र त्यसका चालकलाई प्रहरीले नियन्त्रण लिएको छ । रासस