Follow @khasokhasmag

न्यायपरिषद सदस्यमा रामप्रसाद सिटौला नियुक्त


प्रकाशित मिति : आश्विन १७, २०७३ सोमबार

न्यापरिषद सदस्यमा रामप्रसाद सिटौला नियुक्त भएका छन्। राष्ट्रपति विद्यादेवी भण्डारीले सोमबार सिटौलालाई सदस्य पदमा नियुक्त गरेको राष्ट्रपति कार्यालयले विज्ञप्ति मार्फत जनाएको छ।

राष्ट्रपतिले संविधानको धारा १५३ को उपधारा (१) को खण्ड (ङ) बमोजिम नेपाल बार एसोसिएशनको सिफारिसमा गरामनी-२ झापा घर भएका वरिष्ठ अधिवक्ता सिटौलालाई न्याय परिषदको सदस्यमा नियुक्त गरेकी हुन्। तत्कालीन प्रधानमन्त्री सुशील कोइरालाले अन्तरिम संविधान अनुसार २०७१ जेठ २४ गते सिटौलालाई न्यापरिषद सदस्य सदस्य सिफारिस गरेका थिए। संविधान जारी भए लगत्तै कोइरालाले २०७२ असोज १६ गते सिटौलाको पुनर्नियुक्तिका लागि सुनुवाई समितिमा सिफारिस गरेका थिए।

सिफारिस भएको ३४ औं दिन अर्थात २०७२ कात्तिक १९ मा तत्कालीन प्रधानमन्त्री केपी शर्मा ओलीले सुनुवाइ सम्बन्धी कार्यविधि नबनेको भन्दै उनको नाम फिर्ता लिएका थिए। संविधान जारी भएपछि रुपान्तरित संसदमा संसदीय सुनुवाई विशेष समिति गठनका विषयमा दलहरुबीच विवाद भएपछि उनको सुनुवाई अगाडि बढ्न सकेको थिएन। आइतबार बसेको संसदीय सनुवाइ विशेष समितिको बैठकले न्यापपरिषदमा सिफारिस भएका सिटौलाको नाम अनुमोदन गरेको थियो।

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com