न्युयोर्कमा ‘लुकामारी’

प्रकाशित मिति : आश्विन १७, २०७३ सोमबार

हाँस्यप्रधान चलचित्र लुकामारी न्युयोर्कमा प्रदर्शन हुने भएको छ । चलचित्र अक्टोबर २३ आइतवार न्युयोर्कको ज्याक्सनहाइटमा प्रदर्शन हुने युगेश लिम्बुले जनाएका छन् । विहान साढे ११ बजे र दिउसो साढे २ बजे हुने शोका लागि पहिले नै टिकट लिनेका लागि २० डलर र ढोकामा लिनेका लागि २५ डलर शुल्क तोकिएको छ । चलचित्रका निर्देशक श्रीराम दाहाल हुन् भने संगीत विकाश सिलवालको रहेको छ ।

काठमाडौंको एउटा घरमा डेरा गरी बसेका विभिन्न व्यक्तिलाई चित्रण गर्दै निर्माण गरिएको चलचित्र ‘लुकामारी’ विशेष गरी सस्पेन्स कमेडी श्रेणीको चलचित्र हो । महिलाको काटिएको एउटा हात फेला परेपछि ती महिलाको शवको खोजी र हत्या हुनुको कारणलाई रमाइलो ढंगबाट प्रस्तुत गरिएको चलचित्र हो— लुकामारी ।

14585742_10154442502190435_1793776489_o

घरबेटीको छोराको भूमिकामा रहेका कर्मले डेरामा बस्ने मधेसी पात्रको भूमिकामा रहेका सौगात मल्ललाई दुस्ख दिएका दृश्य तथा डेरामै बसेकी युवती सुरबिना कार्कीसँगको उसको प्रेम सम्बन्धलाई चलचित्रमा रोचक ढंगबाट देखाइएको छ । हत्याराको खोजीमा जुटेका अनुसन्धान अधिकृतहरूको अनुसन्धानमा आधारित चलचित्र ‘लुकामारी’मा सौगात र कर्मको गेटअपले निकै चर्चा बटुलेको छ ।

आँखा डेढो पारेर मधेसी पात्रको भूमिका निर्वाह गरेका सौगात र केश पहेंलो पारेर काठमाडौंको नेवार युवकको भूमिकामा रहेका कर्मको स्वभाविक अभिनयलाई चलचित्रको ट्रेलरमै मन पराइएको छ । सुसन प्रजापतिले खिचेको चलचित्र ‘लुकामारी’का निर्माता मदन केसी हुन् ।

यो चलचित्रमा अमृत मरहट्ठाको मेकअपले पनि चर्चा पाएको छ । विनोद खतिवडाले लेखेको चलचित्र ‘लुकामारी’का सम्पादक कृष्ण भण्डारी हुन् ।

चलचित्रमा कलाकारहरु सौगात मल्ल, विक्रम सिंह थारु, कर्म, सुरबिना कार्की, रिश्ता बस्नेत, कृष्णभक्त महर्जन आदि को अभिनय रहेको छ ।

चलचित्र लुकामारीको ट्रेलर

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com