Follow @khasokhasmag

छानबिनपछि ब्रिटेनका उपप्रधानमन्त्री बर्खास्त


प्रकाशित मिति : पुस ६, २०७४ बिहीबार

ब्रिटेनमा प्रधानमन्त्री टरिजा मेका निकटस्थ रहेका उपप्रधानमन्त्री डेमियन ग्रीनलाई आचारसंहिता उल्लंघनमा दोषी ठहर गर्दै बर्खास्त गरिएको छ।
सन् २००८ मा उनको कार्यालयको कम्प्युटरमा पाइएका अश्लिल सामग्रीबारे झुट्टो जानकारी दिएको एउटा जाँचले निष्कर्ष निकालेपछि उनी बर्खास्त भएका हुन्।

आफ्नै कन्जरभेटिभ दलकी एक जना महिला अभियानकर्तालाई दुर्व्यवहार गरेको दाबीबारे पनि उनी विरुद्ध अनुसन्धान भइरहेको थियो।

ग्रीनले आफूले गल्ति नगरेको बताएका छन्।

मित्रता

डेमियन ग्रीन र प्रधानमन्त्री टरिजा मेको मित्रता अक्सफर्ड विश्वाविद्यालयमा उनीहरु सँगै अध्ययन गर्ने बेलादेखि सुरु भएको थियो।

ब्रिटेन युरोपेली संघबाट बाहिरिने सहितका कैयौं चुनौतीका माझ एक जना नजिकका मित्र र साझेदार गुमाउनु मेका लागि कठीन हुनेछ।

मे र ग्रीन दुवैका लागि यो गम्भिर धक्का भएपनि यसले राजनीतिज्ञहरुको व्यवहारबारे सवालहरु उठाएको छ।

बर्खास्तीले सरकारको स्थिरतालाई भने कुनै चुनौती दिने देखिदैँन।

छवि

ग्रिन मे

बीबीसीकी राजनीतिक सम्पादक लउरा कुन्सवर्ग भन्छिन, डेमियन ग्रीन सार्वजनिक छवि भएका र एकदमै परिचित खालका नेता होइनन्।

तर उनी प्रधानमन्त्री मेका लागि एकदमै महत्वपूर्ण साझेदार थिए।

राजनीतिक मात्र नभइ सच्चा साथी जो एकअर्कासँग दशकौँदेखि परिचित थिए।

कुन्सवर्गका अनुसार प्रधानमन्त्री मेले केहि मुद्दाहरुमा आफ्नो नियन्त्रण कायम राख्ने प्रयास गरेपछि सरकार कमजोर तर स्थिर भएको भनेर ठट्टा गर्न थालिएको छ।

प्रधानमन्त्री मेले यो निर्णय गम्भिर भएर लिएको बुझिन्छ किनभने आफ्ना मान्यता र व्यक्तित्वसँग सम्झौता नगर्ने छवि उनको छ।

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com