Follow @khasokhasmag

बिजुली जाँदा एक हजार उडान अवरुद्ध


प्रकाशित मिति : पुस ३, २०७४ सोमबार

अमेरिकाको एटलान्टास्थित हार्ट्सफिल्ड ज्याकसन अन्तर्राष्ट्रिय विमानस्थलमा आइतवार विद्युत आपूर्ति कटेपछि विमानस्थल आशिंक रुपमा बन्द भएको छ।
विश्वकै सबैभन्दा व्यस्त उक्त विमानस्थलले दैनिक झण्डै अढाई लाख यात्रु र करिब २५ सय उडानहरु व्यवस्थापन गर्ने गर्छ।

बिजुली गएपछि यात्रुहरु अन्धकारमा नै टर्मिनलमा बस्न बाध्य भएका थिए र उड्न ठिक्क परेका विमानहरु रोकिएका थिए।

विमानस्थलमा विद्युत आपूर्ति शुरु भएको छ तर एक हजार भन्दा बढी उडानहरु रद्द भएका छन्।

रद्द

सोमवार थप सयौं उडानहरु रद्द हुनसक्ने बताइएको छ।

विमानस्थलमा अवतरणका लागि पूर्व निर्धारित कैयौँ उडानहरु अन्यत्रै प्रस्थान गरेका थिए।

विमानस्थल

कतिपय त्यस्ता विमान बहिर्गमनका लागि तोकिएको विमानस्थलमा अवतरण गरेका थिए।

विमानस्थलले १० घण्टा भन्दा बढी विद्युत आपूर्ति कटौति भएको पुष्टि गरेको छ।

भूमिगत विद्युत केन्द्रमा भएको आगलागीले गर्दा विद्युत आपूर्ति बन्द भएको सो विमानस्थलमा विद्युत आपूर्ति सेवा उपलब्ध गराइरहेको कम्पनी जोर्जिया पावरले जनाएको छ।

उड्डयन अधिकारीहरुले विमानस्थलमा कार्गो उडानहरु खुल्ला भएको तर यात्रुवाहक उडानहरु सोमबार अबेरबाट शुरु गर्ने जनाएका छन्।

BBC Nepali

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com