महिला संघको महाधिवेशन आजबाट

प्रकाशित मिति : भाद्र २९, २०७३ बुधबार

कांग्रेसको भगिनी संगठन नेपाल महिला संघको तेस्रो महाधिवेशन बुधबारबाट सुरु हुँदै छ । ‘सशक्तीकरणका चार निकास, समान सहभागिता, शान्ति, समृद्धि र संवैधानिक विकास’ नारासहित हुन लागेको महाधिवेशनको कांग्रेस सभापति शेरबहादुर देउवाले साढे १२ बजे भृकुटीमण्डपमा उद्घाटन गर्नेछन् ।

संस्थापन पक्षले संघको अध्यक्षमा उमा रेग्मी र नेता रामचन्द्र पौडेल पक्षले मीना पाण्डेलाई उम्मेदवार बनाएका छन् । संघको महाधिवेशन सुरु हुनु एक दिनअघि दुवै समूहले अध्यक्षको उम्मेदवार घोषणा गरेका हुन् ।

कांग्रेसका यी दुई नेतृ रेग्मी र पाण्डेबीच यसअघि ०५८ मा विराटनगरमा सम्पन्न पहिलो महधिवेशनमा पनि प्रतस्पर्धा भएको थियो । जसमा पाण्डेलाई पराजित गर्दै रेग्मी अध्यक्ष बनेकी थिइन् । संस्थापन समूहबाट महासचिवमा धना खतिवडाले उम्मेदवारी दिने भएकी छिन् । नेता कृष्णप्रसाद सिटौला समूहबाट खतिवडा महासचिवको उम्मेदवार बन्न लागेकी नयाँ पत्रिकामा खबर छ । यसअघि सिटौला समूहले महिला संघमा छुट्टै प्यानल बनाउने बताउँदै आएको थियो । संगठनको अरू पदमा दुवै पक्षले सूची बनाउन बाँकी छ ।

रजिस्ट्रेसन र उम्मेदवारी शुल्क बैंकमार्फत

महिला संघको महाधिवेशनमा मुलुकका विभिन्न भागबाट आएका प्रतिनिधिको रजिस्ट्रेसन बैंकिङ प्रणालीमार्फत भइरहेको छ । कांग्रेस केन्द्रीय कार्यालय सानेपामा सोमबारबाट सेन्चुरी बैंकले शाखा स्थापना गरी महाधिवेशन प्रतिनिधिको रजिस्ट्रेसन गरिरहेको कांग्रेस केन्द्रीय कार्यालयका सचिव प्रेम केसीले जानकारी दिए ।

रजिस्ट्रेसन शुल्क प्रतिप्रतिनिधि हजार रुपैयाँ तोकिएको छ । त्यस्तै, महाधिवेशनबाट निर्वाचित हुने नयाँ कार्यसमितिमा पुग्न उम्मेदवारी दिनेले पनि उम्मेदवारी शुल्क बैंकिङ प्रणालीमार्फत बुझाउनुपर्ने केसीले बताए । महिला संघको महाधिवेशनमा दुई हजार दुई सय प्रतिनिधि सहभागी हुने प्रवक्ता निर्मला क्षेत्रीले जानकारी दिइन् ।

मतदान भोटिङ मेसिनबाट

संघको नयाँ नेतृत्व चयनका लागि हुने निर्वाचनमा विद्युतीय मेसिनबाट मतदान हुने भएको छ । ३१ भदौमा बिहान ८ देखि साँझ ५ बजेसम्म मतदानको समय तोकिएको महिला संघले जनाएको छ ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com