आईआरएसलाई ५ मिलियन डलर कर तिर्न रिपब्लिकन सिनेटर जस्टिस दम्पती सहमत
प्रकाशित मिति : मंसिर ९, २०८२ मंगलबार
वेस्ट भर्जिनियाका रिपब्लिकन सिनेटर जिम जस्टिस र उनकी पत्नी क्याथी जस्टिसले सन् २००९ देखि तिर्न बाँकी संघीय आयकरको रूपमा आईआरएसलाई ५ मिलियन डलरभन्दा बढी तिर्न सहमति जनाएका छन्।
सोमबार दर्ता भएको अदालतको अभिलेख अनुसार डिपार्टमेन्ट अफ जस्टिसले मुद्दा दायर गरेपछि उनीहरूले ५ मिलियन डलर कर तिर्न सहमति जनाएका हुन् ।
अदालतमा दायर उजुरी अनुसार आईआरएसका कर सङ्कलनकर्ताहरूले बारम्बार बाँकी कर फिर्ता गर्न प्रयास गरेका थिए । तर, जस्टिस दम्पतीले कर तिर्न अस्वीकार गरेका थिए।
उजुरीमा भनिएको छ, “करको मूल्याङ्कन तिर्नको लागि सूचना र मागको बाबजुद जस्टिस र क्याथी एल. जस्टिसले ती मूल्याङ्कनको पूर्ण भुक्तानी अमेरिकालाई गर्नबाट बेवास्ता वा अस्वीकृत गरेका छन्।”
सहमति अनुसार जस्टिस दम्पतीले ५,१६४,७३९ दशमलव ७५ अमेरिकी डलर तिर्ने छन्, यसमा त्यसपछि लागू हुने कानुनी ब्याज र अन्य कर सम्बन्धी थप शुल्कहरू समेत समावेश हुनेछन्। यो सम्झौताले अझै न्यायाधीशको स्वीकृति पाउन बाँकी छ।
विशेषज्ञहरूले यो घटनाले जस्टिसको राजनीतिक र व्यवसायिक छवि दुवैमा प्रभाव पार्ने बताएका छन् ।
यो जस्टिसले हालसालै सामना गरेको पछिल्लो कर मुद्दा मात्र हो। गत महिना, वेस्ट भर्जिनिया राज्यका कर सङ्कलनकर्ताहरूले जस्टिस परिवारको स्वामित्व र सञ्चालित भव्य ग्रीनबियर होटेलमा १ दशमलव ३६ मिलियनको ऋण थोपरेको रिपोर्ट गरिएको थियो।