आइसका अधिकारीले पक्राउ गर्दा मास्क लगाउनु आत्मरक्षाका लागि भएको अमेरिकी अटर्नी जनरलको भनाई
प्रकाशित मिति : ११ असार २०८२, बुधबार
अमेरिकी अटर्नी जनरल पाम बोंडीले आप्रवासन अधिकारीहरूले अवैध विदेशी पक्राउ गर्दा अनुहार ढाक्न मास्क लगाउने गरेको सूचना आफूसँग नभएको बताएकी छन ।
सामाजिक सञ्जाल र अन्य स्रोतहरूमा ती दृश्यहरू व्यापक रूपमा फैलिएका भएपनि उनले आफूलाई यस विषयमा जानकारी नभएको बताएकी हुन ।
ती अधिकारीहरूले आफ्नो पहिचान छिपाउन मास्क र फेस कभरेज प्रयोग गरिरहेको भन्दै आलोचना भइरहेको छ ।
क्यापिटोल हिल उप समिति बैठकमा डेमोक्र्याट सिनेटर ग्यारी पिटर्सले प्रश्न गर्दा बोंडीले “तीहरूलाई डोक्सिङ् र परिवार धम्कीहरू भइरहेकाले” आफूले मास्क लगाउने गरिरहेको बुझेको बताइन ।
पिटर्सले अनुहार ढाकेर आप्रवासन प्रवर्तनले झनै डरलाग्दो वातावरण सिर्जना भएको बताए ।
रिपब्लिकन सेनेटर लिसा मर्कोव्स्कीले अलास्कामा अहिलेसम्म आइस न्यून प्रयोग भएकै भए पनि प्रहरीले स्थानीय रेस्टुरेन्ट मालिकलाई पक्राउ गरेको बताए ।
बोंडीले हिंस्रक अपराध नियन्त्रण र आप्रवासन दुवै कार्य सँगै अघि बढाइने बताइन । पाम बोंडीले आप्रवासन अधिकारीहरूले अनुहार छिपाउनु आत्म संरक्षणको उपाय हो भन्ने बताइन ।
तर यसले क्रूर र डरलाग्दो अवस्थामा सार्वजनिक सुरक्षा र पारदर्शितालाई चुनौती दिएको विश्लेषकहरू बताउँछन् ।
राजनीतिज्ञहरूले यस विषयमा पारदर्शिता र अधिकारिक पहिचान सुनिश्चित गर्ने आवश्यकता औंल्याइरहेका छन्।