इजरायली प्रधानमन्त्रीले भने – बन्धकहरूको रिहाइका लागि भएका प्रयासहरूमा महत्त्वपूर्ण प्रगति
प्रकाशित मिति : जेष्ठ २७, २०८२ मंगलबार
(250423) — JERUSALEM, April 23, 2025 (Xinhua) — Israeli Prime Minister Benjamin Netanyahu speaks during the commemoration of Holocaust Martyrs’ and Heroes’ Remembrance Day at Yad Vashem in Jerusalem, on April 23, 2025. Israel on Wednesday started commemorating its annual Holocaust Martyrs’ and Heroes’ Remembrance Day with an official wreath-laying ceremony here at the country’s Holocaust memorial Yad Vashem. (Xinhua/Chen Junqing)
इजरायली प्रधानमन्त्री बेन्जामिन नेतान्याहूले मङ्गलबार गाजामा बाँकी बन्धकहरूलाई रिहा गर्नका लागि गरिएका प्रयासहरूमा ‘महत्त्वपूर्ण प्रगति’ भएको बताएका छन्। उनले आफ्नो कार्यालयबाट साझा गरिएको भिडियो बयानमा यो कुरा उल्लेख गरेका हुन् । यद्यपि, सम्झौता हुने आशा जगाउन ‘अझै चाँडो’ रहेको र विवरणहरू खुलाउन अस्वीकार गरे।
हमास नेतृत्वको समूहले सन् २०२३ अक्टोबरमा इजरायलमा आक्रमण गरी १,२०० मानिसहरूको हत्या र २५१ बन्धकहरूलाई गाजामा लगेपछि युद्ध सुरु भएको थियो। इजरायली तथ्याङ्कअनुसार अहिले पनि ५५ बन्धकहरू गाजामा छन्। जवाफमा, इजरायलले सैन्य अभियान सुरु गर्यो, जसले गाजा स्वास्थ्य अधिकारीहरूका अनुसार ५४,००० भन्दा बढी प्यालेस्टिनीहरूको ज्यान लिइसकेको छ।
अमेरिका, इजिप्ट र कतारले गाजामा युद्धविराम पुनर्स्थापना गर्न अथक प्रयास गरिरहेका छन्। अमेरिकाले ६० दिनको युद्धविराम प्रस्ताव गरेको छ, जसलाई इजरायलले स्वीकार गर्ने संकेत दिएको छ। तर, हमासले उक्त प्रस्तावमा संशोधन खोजेको छ र युद्धको स्थायी अन्त्यको बदलामा मात्र सबै बन्धकहरू रिहा गर्ने अडान लिएको छ।
इजरायलको नेतृत्वले बाँकी बन्धकहरू रिहा नभएसम्म र हमास, जसले सन् २००७ देखि गाजा शासन गर्दै आएको छ, पूर्ण रूपमा नष्ट नभएसम्म युद्ध जारी राख्ने बताएको छ। अर्कोतर्फ, हमासले युद्धपछि प्यालेस्टिनी, गैरपक्षीय प्राविधिक समितिले शासन सम्हालेमा आफूले गाजाको शासन छोड्ने, तर हतियार नत्याग्ने अडान राखेको छ। दुवै पक्षले सम्झौता नहुनुको दोष एकअर्कालाई लगाएका छन्।
वार्ताबारे जानकार एक स्रोतका अनुसार, वासिङ्टनले हमासलाई युद्ध अन्त्य गर्ने कदमहरूको रूपमा थप आश्वासन दिइरहेको छ। स्रोतले अमेरिकी अधिकारीहरू आशावादी रहेको, तर इजरायली पक्ष भने सतर्क रहेको बताए। वासिङ्टनबाट चाँडोभन्दा चाँडो सम्झौता गर्न दबाब रहेको उल्लेख छ।
ह्वाइट हाउस राष्ट्रिय सुरक्षा परिषद् र अमेरिकी दूत स्टिभ विटकफका प्रतिनिधिहरू, जसले युद्धविराम वार्तामा अमेरिकी प्रयासको नेतृत्व गरिरहेका छन् । इजरायली प्रधानमन्त्री नेतान्याहू आफ्नो दक्षिणपन्थी गठबन्धनभित्रबाट युद्ध जारी राख्न र गाजामा मानवीय सहायता प्रवेश रोक्न दबाबको सामना गरिरहेका छन्।