आयात कर छुटका लागि बेलायतले अमेरिकालाई फकाउदै
प्रकाशित मिति : चैत्र १७, २०८१ आईतबार
बेलायत र अमेरिकाबीचको संभावित आर्थिक सम्झौता सकारात्मकता तर्फ उन्मुख भएको अधिकारीहरुले बताएका छन ।
उनीहरुले दुबै पक्षकाबीचमा उत्पादक वार्ता जारी राख्ने सहमति भएको बेलायती प्रधानमन्त्रीको कार्यालय डाउनिंग स्ट्रीटले बताएको छ ।
अमेरिकाले लगाउने भनिएको शुल्कहरु लागू हुने दिन नजिकिएको बेला बेलायतका प्रधानमन्त्री कीर स्टार्मर र अमेरिकी राष्ट्रपति डोनाल्ड ट्रम्पले सहमतिका लागि वार्ता गरेका थिए ।
आइतबार राति गरिएको फोन वार्तामा दुवै नेताहरु खुशी देखिएका छन । बेलायत सरकारले आवश्यक परेमा अमेरिकी व्यापार करको प्रतिकार गर्ने तयारी समेत गरेको जनाएको छ ।
बेलायती वार्ताकारहरू ट्रम्पको २५ प्रतिशत कार आयात शुल्क लागू हुनु अगाडि विशेष छुट प्राप्त गर्न प्रयासरत छन् । आयात कर बुधबारबाट लागू हुने अपेक्षा गरिएको छ ।
ट्रम्पले आफ्नो दोस्रो कार्यकालको केही महिनामा अन्य देशका सामानमाथि शुल्कहरु लगाइ रहेका छन । उनले थप करहरूको धम्की पनि दिएका छन् ।
प्रधानमन्त्रीले कीरले अमेरिकासँग व्यापार युद्धमा संलग्न हुन नचाहेको बताउदै आएका छन । तर कीरले बेलायतले छुट प्राप्त गर्न सम्झौता गर्न सकिएन भने अमेरिका माथि प्रत्युत्तर शुल्क लगाउने अधिकार भने बेलायतसँग रहेको बताएका छन ।
बेलायत र अमेरिकाबीचको व्यापार सम्बन्ध अन्य साझेदारहरूको तुलनामा तुलनात्मक रूपमा समान छ । स्वतन्त्र बजेट जिम्मेवारी कार्यालयले प्रत्युत्तर व्यापार युद्धले आर्थिक वृद्धिमा अर्बौंको क्षति पुर्याउने बताएको छ ।
यदि करहरु लागू भएमा बेलायतले कसरी प्रतिकार गर्ने भन्ने स्पष्ट छैन । बेलायतको कार निर्यात वार्षिक मूल्य लगभग ७.६ अर्ब पाउन्ड छ । अमेरिकी बजार बेलायतको कारका लागि दोस्रो ठूलो बजार हो ।