रुसलाई शान्ति वार्तामा प्रतिबद्ध बनाउन थप र कडा प्रतिबन्ध आवश्यक रहेको बेलायतको भनाई
प्रकाशित मिति : चैत्र १४, २०८१ बिहीबार
रुस बिरुद्धका प्रतिबन्धहरु थप कडा बनाउन बेलायले माग गरेको छ । रुसलाई युक्रेनसँगको युद्धबाट बाहिर ल्याउन रुस बिरुद्धका प्रतिबन्धहरु थप कडा बनाउनु आवश्यक रहेको बेलायतले जोड दिएको हो ।
शान्तिका लागि रुसलाई बाध्य बनाउन प्रतिबन्ध नै बिकल्प रहेको बेलायती प्रधानमन्त्री कीर स्टार्मरले बताएका हुन ।
रुस र युक्रेनकाबीचमा भएको सामुद्रीक युद्धविरामलाई लागू गर्न रुसले आफु बिरुद्धका प्रतिबन्धहरु हटाउनु पर्ने शर्त राखेको बेला बेलायतको पछिल्लो प्रतिकृया आएको हो ।
प्रधानमन्त्री भ्लादिमिर पुटिनलाई खेल खेल्ने र समय जित्ने काममा तल्लिन रहेका स्टार्मरले आरोप लगाए ।
यो समय प्रतिबन्धहरूलाई हटाउन वा कमजोर बनाउन उचित नरहेको उनको भनाई छ । उनीहरु बिरुद्धका प्रतिबन्धहरूलाई बढाउने भएको स्टार्मरले पेरिसमा युरोपेली नेताहरूसँगको बैठकमा भनेका हुन ।
फ्रान्सका राष्ट्रपति इम्यानुएल म्याक्रोन यदि रुसले आक्रमण गरेमा युरोपेली एकताको प्रतिरोध प्रतिक्रिया हुन सक्ने बताए । स्टार्मरले युक्रेनका शान्ति वार्ताहरूको लागि फ्रेमवर्क र समयसीमा आवश्यक रहेको बताए ।
शिखर सम्मेलनमा सहभागी ३० राष्ट्रहरू शान्ति प्रक्रियालाई समर्थन गर्नका लागि युक्रेनलाई समर्थन गर्न र रूसमाथि दबाब थप बढाउन अघि बढ्नुपर्ने कुरामा सहमत भएका छन ।
स्टार्मरले युक्रेनमा न्यायपूर्ण र स्थायी शान्ति खोज्ने राजनीतिक मूड पहिलेभन्दा बलियो र व्यापक भएको बताए । उनले युरोप पुरै यस हदसम्म यसअघि बलियो र एकजुट नभएको बताएका थिए ।
प्रधानमन्त्री स्टार्मरले बेलायत, फ्रान्स र जर्मनीका रक्षा प्रमुखहरूले युक्रेनमा भेट गर्ने बताएका छन्, तर त्यसको मिति भने उल्लेख गरेका छैनन ।
अमेरिकाले रुस र युक्रेनलाई शान्ति वार्तामा ल्याउन र युद्धविराम गराउनका लागि पहल जारी राखेको छ । युक्रेन ३० दिने युद्धविरामको लागि तयार भएको छ ।
अमेरिका कै पहलमा ब्ल्याक सी मा समुद्री य्ुद्धविरामका लागि दुबै देश सहमत भएका छन । यद्यपी उक्त सहमति लागू हुन भने बाँकी रहेको छ ।