अमेरिकी न्याय विभागका विशेष अधिवक्ता स्मिथद्धारा राजीनामा
प्रकाशित मिति : पुस २७, २०८१ शनिबार
अमेरिकी न्याय विभागका विशेष अधिवक्ता ज्याक स्मिथले राजीनामा दिएका छन् । उनले डोनाल्ड ट्रम्पविरुद्ध दुई संघीय आपराधिक मुद्दाहरूको नेतृत्व गरेका थिए ।
राष्ट्रपति निर्वाचित ट्रम्पले कार्यभार सम्हाल्नुअघि न्याय विभागबाट राजीनामा दिएका हुन । शनिबार अदालतमा पेश गरिएको कागजातअनुसार स्मिथले शुक्रबार विभाग छोडेका हुन्।
स्मिथको राजीनामा ट्रम्पका गोप्य कागजातहरूको मुद्दामा अनुसन्धानको प्रतिवेदन सार्वजनिक गर्ने विषयमा विवादको बीच आएको हो ।
स्मिथ २०२२ मा विशेष अधिवक्ताको रूपमा नियुक्त भएका थिए । ट्रम्पविरुद्धको दुई न्याय विभागका मुद्दाहरूको नेतृत्व गर्न उनलाई जीम्मेवारी दिइएको थियो ।
एक गोप्य कागजातहरू अवैध रूपमा राखेको आरोपमा र अर्को २०२० को चुनाव परिणामलाई प्रभावित गर्न खोजेको आरोप ट्रम्पविरुद्ध लागेको थियो ।
यी दुबै मुद्दामा ट्रम्पमाथि आपराधिक आरोप लगाइयो । तर उनलाई दोषी ठहर गरिएन । यी मुद्दाहरूलाई राजनीतिक रूपमा प्रेरित भएको भन्दै अस्वीकार गरियो ।
स्मिथका मुद्दाहरू गत वर्ष ट्रम्पको राष्ट्रपति निर्वाचन जितेपछि बन्द गरिएका थिए । अभियोजनकर्ताहरूले लेखेका थिए कि न्याय विभागका नियमहरूले सिटिङ राष्ट्रपति विरुद्ध मुद्दा चलाउन रोक लगाउँछन् ।
स्मिथको राजीनामा अपेक्षित थियो । उनलाई ट्रम्प वा नव नियुक्त राष्ट्रपतिका महान्यायाधिवक्ताद्वारा पदबाट हटाइने स्थिति सामना नगरी राजीनामा दिन सहयोग गरेको छ ।
स्मिथको राजीनामासँगै ट्रम्पविरुद्धका उनका आपराधिक मुद्दाहरू कुनै पनि अदालती सुनुवाइमा नपुगी बन्द भएका छन ।
अमेरिकी जिल्ला न्यायाधीश एलीन क्याननले ट्रम्पको गोप्य कागजातहरूको मुद्दामा स्मिथ र महान्यायाधिवक्ता मेरिक गारल्यान्डलाई अनुसन्धान प्रतिवेदन सार्वजनिक, साझा, वा प्रसारित गर्न अस्थायी रूपमा रोक लगाएकी थिइन ।
कानुनअनुसार, विशेष अधिवक्ताहरूले आफ्नो अनुसन्धानको प्रतिवेदन न्याय विभागमा पेस गर्नुपर्छ । जसको नेतृत्व महान्यायाधिवक्ताले गर्छन् ।
ट्रम्पका वकिलहरूले स्मिथलाई प्रतिवेदन पेश गर्ने कानुनी अधिकार नभएको र उनलाई अवैधानिक रूपमा नियुक्त गरिएको आरोप लगाउँदै प्रतिवेदनको प्रकाशन रोक्न माग गरेका छन् ।
शुक्रबार, ट्रम्पलाई गोप्य पैसा भुक्तानी सम्बन्धी आपराधिक मुद्दामा विना शर्तको छुट दिइएको छ । तर, उनी आपराधिक दोषसहितको पहिलो अमेरिकी राष्ट्रपति बनेर कार्यभार सम्हाल्ने छन् ।