अमेरिकी चिकित्सक भन्छन : मदिराले क्यान्सरको जोखिम उच्च बनाउँछ
प्रकाशित मिति : पुस १९, २०८१ शुक्रबार
अमेरिकाका वरिष्ठ चिकित्सकहरुले मदिरामा क्यान्सरको चेतावनी लेबल राखिनुपर्ने बताएका छन ।
शीर्ष सरकारी चिकित्सकले मदिराजन्य पेय पदार्थले क्यान्सर निम्त्याउँछ भनेर स्वास्थ्य चेतावनीका लागि लेवल राख्न आह्वान गरेका हुन ।
उनीहरुले जोखिमका कारण दैनिक मदिरा सेवनको सीमा पुनर्मूल्याङ्कन गर्न आग्रह गरेका छन् ।
सर्जन जनरल विवेक मूर्तिले मदिरा र क्यान्सरबीचको सम्बन्ध सन् १९८० को दशकदेखि नै जानकार रहेको र थप प्रमाणहरूले खतराको पुष्टि गरिरहेको बताए ।
“मदिरा क्यान्सरको एक प्रमख कारण भएको र यसलाई रोकथाम गर्न सकिने चिकित्सकहरुले बताएका छन । अमेरिकामा वार्षिक रूपमा लगभग एक लाख क्यान्सरका घटना भएका छन । त्यसमा करिव २० हजारको मृत्यु पनि हुने गरेको छ ।
सन् १९८८ मा प्रस्तुत गरिएको विद्यमान चेतावनी लेबलमा ‘जन्मजात विकृतिको जोखिमका कारण गर्भवतीहरूले मदिराजन्य पेय पदार्थ सेवन गर्नु हुँदैन’ र ‘मादक पेय पदार्थको सेवनले कार चलाउने वा मेसिनरी सञ्चालन गर्ने क्षमतालाई बिगार्छ र स्वास्थ्य समस्या निम्त्याउन सक्छ’ भनेर मात्र उल्लेख छ ।
मदिरा सेवनले कम्तीमा सात प्रकारका क्यान्सरको जोखिम बढाउँछ । यसमा स्तन, कोलोरेक्टल, कलेजो, मुख, घाँटी, भोजननली र स्वरयन्त्रको क्यान्सर समावेश छन् ।
स्तन क्यान्सरका मात्र १६।४ प्रतिशत घटनाको कारण मदिरा हो । तर सार्वजनिक जागरूकता निकै पछि छ ।
सन् २०१९ को एक सर्वेक्षणले ४५ प्रतिशत अमेरिकीले मात्र मदिरालाई क्यान्सरको जोखिम कारकको रूपमा पहिचान गरेको पाइएको थियो ।