अमेरिकाको ट्रम्प होटल बाहिर ट्रक विस्फोट, चालकको ज्यान गयो, ७ जना घाइते
प्रकाशित मिति : पुस १७, २०८१ बुधबार
LAS VEGAS, NEVADA – JANUARY 01: A woman with a dog lies down to record images next to a Las Vegas Metropolitan Police Department vehicle blocking the road near the Trump International Hotel & Tower Las Vegas after a Tesla Cybertruck exploded in front of the entrance on January 01, 2025 in Las Vegas, Nevada. A person who was in the vehicle died and seven people were injured. Authorities are investigating the incident as a possible terrorist attack and are looking for a possible connection to a deadly crash in New Orleans. Ethan Miller/Getty Images/AFP (Photo by Ethan Miller / GETTY IMAGES NORTH AMERICA / Getty Images via AFP)
अमेरिकाको लस भेगासको ट्रम्प होटल बाहिर ट्रक विस्फोट भएपछि प्रहरीले अनुसन्धान सुरु गरेको छ । टेस्लाको साइबरट्रकमा ईन्धनका क्यान र आतिशबाजीका मोर्टार भरिएको ट्रक विस्फोट भएको हो ।
यो विस्फोटमा चालकको मृत्यु भएको छ । अन्य सात जना घाइते भएका छन् । तर घाइतेहरूको अवस्था सामान्य रहेको प्रहरीले जनाएको छ ।
ट्रक कोलोराडोबाट भाडामा लिइएको थियो । उक्त ट्रक बुधबार बिहान लस भेगास आइपुगेको थियो ।
विस्फोट हुने दुई घण्टा अघि ट्रक होटलको सिसाको प्रवेशद्वारको अगाडि पार्क गरिएको थियो । केही समय धुवा निस्केपछि ट्रक विस्फोट भएको प्रहरीले बताएको छ ।
राष्ट्रपति जो बाइडेनले यो घटनाको अनुसन्धान भइरहेको र न्यू ओर्लियन्समा नयाँ वर्षको दिन भएको आक्रमणसँग सम्बन्धित हुनसक्ने सम्भावनाबारे अनुसन्धान भइरहेको बताए । न्यू ओर्लियन्सको घटनामा कम्तीमा १५ जनाको मृत्यु भएको थियो ।
पत्रकार सम्मेलनमा लस भेगासका शेरिफ केभिन म्याकमहिलले विस्फोटको भिडियो र घटनापछि ट्रकमा रहेका इन्धनका क्यान र आतिशबाजीका सामाग्रीका तस्बिर सार्वजनिक गरेका थिए ।
भिडियोमा ट्रक होटलको प्रवेशद्वारको ठीक अगाडि पार्क गरिएको देखिन्छ । केही सेकेन्डसम्म ट्रक स्थिर रहन्छ । त्यसपछि विस्फोट हुन्छ । विभिन्न रङका आतिशबाजी विभिन्न दिशामा निस्किएको भिडियोमा देखिन्छ ।
शेरिफ म्याकमहिलले यो घटना ट्रम्प होटल र टेस्लाका मालिक एलन मस्कसँग सम्बन्धित हुनसक्ने सम्भावनाबारे पनि अनुसन्धान भइरहेको बताए ।
एफबीआईले यो घटना आतंकवादको कार्य हुनसक्ने सम्भावनामा अनुसन्धान गरिरहेको जनाएको छ ।
तर, हालसम्म चालकको पहिचान पुष्टि भएको छैन । यो घटना आईएससँग सम्बन्धित रहेको कुनै प्रमाण पनि भेटिएको छैन।
ट्रम्प होटलको सुरक्षा र अतिथिहरूको सुरक्षामा प्राथमिकता रहेको बताउँदै ट्रम्पका छोरा एरिक ट्रम्पले यस घटनाप्रति दुख व्यक्त गरेका छन ।
घटनाको छानबिन जारी रहेको र यो घटनाबाट लस भेगासका स्थानीयहरूलाई कुनै पनि थप खतरा नरहेको शेरिफ म्याकमहिलले बताएका छन्।