ट्रम्पले मनोनयन गरेका मन्त्रीहरु छानबिनको घेरामा तानिए
प्रकाशित मिति : कार्तिक ३०, २०८१ शुक्रबार
President-elect Donald Trump speaks during a meeting with the House GOP conference, Wednesday, Nov. 13, 2024, in Washington. (AP Photo/Alex Brandon)
अमेरिकामा नवनिर्वाचित राष्ट्रपति डोनाल्ड ट्रम्पले नियुक्त गर्नुभएका मन्त्रिपरिषद्का सदस्यहरू छानबिनको घेरामा तानिएका छन । आरोप मध्ये दुर्व्यवहारका पनि समावेश छन् ।
ट्रम्पको रक्षा मन्त्रीका लागि मनोनयन भएका पीट हेगसेथले आफुमाथी लागेको यौन उत्पीडनको आरोप अस्वीकार गर्नुभएको छ । सम्भावित महान्यायाधिवक्ता म्याट गेट्ज पनि छानबिनको घेरामा देखिनु भएको छ ।
स्वास्थ्य मन्त्रीका लागि मनोनित रोबर्ट एफ केनेडी जुनियरले खोपको प्रभावकारीताप्रति गरेको आलोचनाका कारण कडा विरोधको सामना गर्नुपरेको छ ।
ट्रम्पले जनवरीमा पदभार सम्हाल्दा यी उम्मेदवारहरूको अनुमोदन अमेरिकी सिनेटले गर्नुपर्नेछ ।
यद्यपि सिनेटमा ट्रम्पको पार्टी रिपब्लिकनहरूको नियन्त्रण हुनेछ । सुनुवाइहरूमा यी उम्मेदवारहरूलाई कडा प्रश्नको सामना गर्नुपर्ने देखिएको छ ।
प्रहरीले रक्षामन्त्रीका लागि मनोनित पीट हेगसेथमाथि २०१७ मा क्यालिफोर्नियामा भएको भनिएको यौन उत्पीडनको घटनामा अनुसन्धान गरिएको जानकारी दियो ।
अफगानिस्तान र इराक युद्धका भूतपूर्व सैनिक तथा फक्स न्यूजका होस्ट हेगसेथले आफूले कुनै गल्ती नगरेको दाबी गर्नुभएको छ ।
ट्रम्पका प्रवक्ता स्टेभेन चेउङले हेगसेथले सबै आरोपहरू कडा रूपमा अस्वीकार गरेको र कुनै मुद्दा दर्ता गरिएको बताउनु भएको छ ।
हेगसेथलाई उनका सहकर्मी सैन्यकर्मीहरूले भित्री खतराको रूपमा चिनेको रिपोर्ट गरेका छन ।
ट्रम्पका महान्यायाधिवक्ताका लागि मनोनित म्याट गेट्जमाथि कांग्रेस सदस्य हुँदा दुर्व्यवहार, लागूऔषध प्रयोग, र चुनावी कोषको दुरुपयोगका आरोपहरू लागेको छ ।
ट्रम्पले न्याय विभागको नेतृत्व गर्न उहाँलाई मनोनित गरेपछि केही घण्टामै उहाँले फ्लोरिडाको आफ्नो संसदीय पदबाट राजीनामा दिनुभएको थियो ।
स्वास्थ्य मन्त्रीका लागि मनोनित केनेडी जुनियरलाई खोपविरोधी धारणा र “बिग फार्मा” लाई कडा कारबाही गर्ने प्रतिज्ञाका कारण विरोधको सामना गर्नु परेको छ ।
आलोचकहरूले उहााको खोपविरोधी धारणा देशको स्वास्थ्य प्रणालीका लागि हानिकारक रहेको बताएका छन् ।
अहिलेसम्म ट्रम्पले यी मनोनयनमाथिको विवादबारे कुनै प्रत्यक्ष टिप्पणी गर्नुभएको छैन । उहाँले अझै आफ्नो प्रशासनका लागि एफबीआई निर्देशक र अर्थ मन्त्री जस्ता पदमा नियुक्ति गर्न बाँकी छ ।