राष्ट्रपतिमा निर्वाचितहुने बलियो आधार बनेको छ : ह्यारिस
प्रकाशित मिति : कार्तिक १४, २०८१ बुधबार
अमेरिकामा राष्ट्रपति पदका डेमोक्रयाटिक उम्मेदवार उपराष्ट्रपति कमला ह्यारिसले आफु निर्वाचित हुने वलियो आधार तयार भएको बताउनु भएको छ ।
विस्कॉन्सिनका मतदातालाई संबोधन गर्दै उहाँले भन्नुभयो : हामी जित्दैछौ । उहाँले प्रतिश्पर्धी ट्रम्प लोकतन्त्रका लागि खतरा रहेको दोहोराउनु भयो ।
ट्रम्पले जीते पहिलो दिन शत्रुको सूचि तयार हुनेछ तर मैले जीते अमेरिकनहरुको जीवनयापनको खर्च घटाउने सूचि बन्नेछ उहाँले कार्यक्रममा संबोधनका क्रममा भन्नुभयो ।
ह्यारिसले गर्भपतन र स्वास्थ्य सेवासहितका मुख्य नीति क्षेत्रहरूमा आफ्नो योजना प्रस्तुत गर्दै बालबालिकाको हेरचाह खर्च घटाउने, साना व्यवसायहरूका लागि कर कटौती गर्ने, स्वास्थ्य सेवाको लागत घटाउने बताउनु भयो ।
स्वास्थ्य सेवामा पहुँच अधिकार हुनुपर्छ । धनीहरूका लागि विशेषाधिकार होइन उहाँले विस्कॉन्सिनको सभामा भन्नुभयो ।
पहिलो पटक भोट हाल्न लागेकाहरुलाई विशेष सन्देश दिँदै ह्यारिसले भन्नुभयो म तपाईंहरूको पुस्तालाई माया गर्छु, म तपाईंहरू सबैलाई माया गर्छु ।
तपाईंहरूको शक्ति देख्छु । तपाईंको भोट तपाईंको आवाज हो, र तपाईंको आवाज तपाईंको शक्ति हो युवाहरुलाई संबोधन गर्दै ह्यारिसले भन्नुभयो ।
विस्कॉन्सिनका मानिसहरूलाई मतदान गर्न आह्वान गर्दै उहाँले यो राज्य जीतको लागि निर्णायक भएको बताउनु भयो । गाजामा युद्धको अन्त्य चाहेको बताउदै उहाँले यसका लागि आफ्नो सम्पूर्ण प्रयास गर्ने बताउनु भयो ।