ह्यारिस यहूदी र इजरायल बिरोधी भएको ट्रम्पको आरोप
प्रकाशित मिति : आश्विन ४, २०८१ शुक्रबार
WASHINGTON, DC – JANUARY 31: Republican presidential candidate and former U.S. President Donald Trump talks reporters at the International Brotherhood of Teamsters headquarters on January 31, 2024 in Washington, DC. Trump met with leaders and members of the organized labor group while looking for union support after the United Auto Workers endorsed President Joe Biden’s re-election campaign one week ago. Chip Somodevilla/Getty Images/AFP (Photo by CHIP SOMODEVILLA / GETTY IMAGES NORTH AMERICA / Getty Images via AFP)
अमेरिकी राष्ट्रपति पदका रिपव्लिकन उम्मेदवार डोनाल्ड ट्रम्पले नोभेम्बरमा हुने चुनाव आफुले हारेमा त्यसको आंशिक दोष अमेरिकामा रहेका यहूदी मतदातालाई जाने बताउनु भएको छ ।
चुनावमा हार्ने संभावना त छैन तर अप्रत्यासीत परिणाम आयो भने यहूदी मतदाताको कारणले पनि हो भनेर आफुले बुझ्ने दावी गर्नुभएको हो ।
उहाँले प्रतिश्पर्धी कमला ह्यारिसलाई खराव डेमोक्रयाट्सको संज्ञा दिनुभयो । ड्मोक्रयाट्सहरु इजरायलका लागि नराम्रो गर्दछन उनीहरु धेरै खराव छन ट्रम्पले भन्नुभयो ।
यहूदी अमेरिकनहरुले ह्यारिसलाई मतदान गर्ने सोच बनाइरहेका खबर आइरहेका बेला ट्रम्पले त्यसो नगर्न र मतदान गर्नुपुर्ब एकपटक राम्रो संग सोचबिचार गर्न आग्रह गर्नुभएको हो । एउटा स्थानीय सर्भेक्षणले ६० प्रतिसत यहूदी मतदाता ह्यारिसको पक्षमा देखाएको थियो ।
इजरायलको इतिहासका लागि अमेरिकी चुनाव निक्कै महत्वपुर्ण रहेको बताउदै ट्रम्पले भन्नुभयो : ह्यारिसले चुनाव जितेका यहूदी राज्यको उन्मुलन हुनेछ र पृथ्वीको अनुहारबाट मेटाइने छ ।
उहाँका अनुसार इजरायलको अस्थित्व पनि समाप्त हुनेछ । इजरायललाई जोगाउने र यहूदीको राज्य बचाइराख्ने हो भने आफुलाई मतदान गर्न उहाँले आग्रह समेत गर्नुभयो । ह्यारिसलाई हमासको सहानुभूति र इजरायललाई घृणा गर्नेहरुको समर्थन रहेको ट्रम्पको आरोप रहेको छ ।
इजरायलको राजधानीलाई मान्यता दिएको , जेरुसेलमा दूतावास खोलेकोले इजरायलको सबैभन्दा नजिकको मित्र आफु भएको ट्रम्पले दावी गर्नुभयो ।
ट्रम्पले ह्यारिसलाई यहूदी र इजरायल बिरोधीभन्दै प्रचार गरिरहनु भएको छ ।
अमेरिकामा नोभेम्वर ५ मा राष्ट्रपति पदका लागि चुनाव हुदैछ ।