परराष्ट्रमन्त्री राणा आज भारत भ्रमणमा जाँदै
प्रकाशित मिति : भाद्र १, २०८१ शनिबार
पराष्ट्रमन्त्री डा आरजु राणा देउवा आज (आइतबार ) छिमेकी मित्र राष्ट्र भारतको औपचारिक भ्रमणमा जाँदै हुनुहुन्छ ।
उहाँका भारतीय समकक्षी डा एस जयशङ्करको मैत्रीपूर्ण निमन्त्रणामा मन्त्री राणा चार दिने भारत भ्रमणमा जान लाग्नुभएको परराष्ट्र मन्त्रालले जनाएको छ ।
मन्त्रालयका अनुसार भारतको औपचारिक भ्रमणमा उहाले भारतका प्रधानमन्त्री नरेन्द्र मोदीसँग भेटवार्ता गर्ने तयारी छ ।
प्रधानमन्त्री केपी शर्मा ओलीको चाहना अनुसार भारतका प्रधानमन्त्री मोदीको नेपाल भ्रमण गराउन पनि उहाँले पहल गर्ने जनाइएको छ ।
भ्रमणका क्रममा मन्त्री राणाले आफ्ना समकक्षीसँग दुई देशबीचको आपसी हित, पारस्परिक सम्बन्ध अझ सबल तुल्याउने एवम् नेपाल–भारतबीचको सहकार्य प्रबर्द्धननबारे छलफल गर्नुहुने जनाइएको छ ।
परराष्ट्र मन्त्री राणा यही भदौ ६ गते स्वदेश फर्कने तालिका छ ।