१२ महिनामा नबेचे अमेरिकामा टिकटकमा प्रतिबन्ध लगाउने बिल दुबै सदनबाट पारित
प्रकाशित मिति : बैशाख १२, २०८१ बुधबार
![](https://i0.wp.com/www.khasokhas.com/wp-content/uploads/2023/02/kz4mhc0m_q-e1675357326661.jpg?fit=801%2C618&ssl=1)
चिनिया कम्पनी बाइटडान्सले १२ महिनामा टिकटक नबेचे अमेरिकामा टिकटकमा प्रतिबन्ध लगाउने बिल दुबै सदनबाट पारित भएको छ । प्रतिनिधिसभाबाट ३६० मतका साथ पारित भएको यो बिल सिनेटबाट गएराती ७९ मतका साथ पारित भएको हो । बिलमा आज राष्ट्रपति जो बाइडेनले हस्ताक्षर गर्नेछन् ।
अब बाइटडान्सले सन् २०२५ सम्मको अप्रिलसम्म टिकटक नबेचेमा अमेरिकामा टिकटकमाथि प्रतिबन्ध लाग्नेछ । टिकटक अमेरिकामा जानकारी को एक प्रमुख स्रोत भएको छ। ३० वर्ष मुनिका एक तिहाइ अमेरिकीहरूले नियमित रूपमा टिकटकबाट समाचार प्राप्त गर्छन्। टिकटक अमेरिकाको अग्रणी वैश्विक प्रतिद्वन्द्वी कम्पनीको स्वामित्वमा छ।
![](https://i0.wp.com/www.khasokhas.com/wp-content/uploads/2023/05/XxjpbeE007339_20230326_PEPFN1A001.jpg?resize=720%2C480&ssl=1)
चीनले टिकटकलाइै हौवा फैलाउने उपकरणको रुपमा प्रयोग गरेको प्रमाणहरु पनि छन् । दुई अनुसन्धान समूहहरूको भर्खरको रिपोर्ट अनुसार हङकङको विरोध र तिब्बत जस्ता चिनियाँ सरकारले दबाउन चाहेका विषयहरूसँग सम्बन्धित पोस्टहरू प्लेटफर्मबाट अनौठो रूपमा हराइरहेका हुन्छन् । चीनका सहयोगी देशहरू रूस र इरानका लागि संवेदनशील विषयहरूमा पनि टिकटकमा दबाउने गरिएको छ ।
बाइडेनले बिलमा हस्ताक्षर गरे पनि टिकटकका लागी भने लडाई समाप्त हुनेछैन। चिनियाँ अधिकारीहरूले बाइटडान्सलाई टिकटक बेच्न अनुमति नदिने संकेत दिइसकेका छन् । बाइटडान्सले अदालतमा लड्ने योजना बनाएको छ। यसमा केही अमेरिकी सहयोगीहरू पनि हुनेछन्। उनीहरुले टिकटक सम्बन्धि बिलले संविधानको पहिलो संशोधनको उल्लङ्घन गरेको बताएका छन् ।
त्यस्तै टिकटकका लगानीकर्ता र चुनावमा रिपब्लिकनका प्रमुख दाता जेफ यासले बिल विरुद्धको लडाईको नेतृत्व गरिरहेका छन्। उनी टिकटकको पक्षमा वकालत गर्ने काटो इन्स्टिच्युटका पूर्व बोर्ड सदस्य पनि हुन् । यासले नै डोनाल्ड ट्रम्पलाई टिकटकबारेको अडान उल्टाउन र बिलको विरोध गर्न मनाएको हुनसक्ने बताइन्छ ।