न्युयोर्क सिटीमा अमेरिकाको झण्डा जलाउनेहरु को हुन् ?
प्रकाशित मिति : बैशाख ६, २०८१ बिहीबार
Police arrest a protester during a Pro-Palestinian demonstration calling for an economic blockade and demanding a cease-fire on the Israel Palestinian conflict outside The New York Stock Exchange on Monday, April 15, 2024, in New York. (AP Photo/Andres Kudacki)
सोमबार न्युयोर्कमा प्रदर्शनकारीहरुले अमेरिकाको झण्डा जलाएको दृश्य भाइरल भयो । अमेरिकाभित्रै अमेरिकाको झण्डा जलाउनेहरु को हुन् ? यसबारे धेरैको जिज्ञासा हुनसक्छ । उनीहरुले अमेरिकाको झण्डामात्र जलाएनन्, कैयन देशहरुले आतंककारीको सूचीमा राखेको शैन्य समुह हिजबुल्लाहको ब्यानर समेत फहराए । हिजबुल्लाह त्यही लेबनानी लडाकु समूह हो, जसले बुधबार उत्तरी इजरायलमा ड्रोन र मिसाइल आक्रमण गर्दा १४ इजरायली सेना घाइते भएका छन् ।
न्युयोर्कमा म्यानहट्टनमा इजरायल विरोधी तथा प्यालेष्टाइन समर्थक प्रदर्शनकारीहरूले हिजबुल्लाहको पहेंलो र हरियो ब्यानर फहराएका थिए । इरान समर्थित उक्त सैन्य संगठन लागि आफ्नो प्रेम भएको घोषणा गर्दै अमेरिकाको मृत्युको कामा गरे भने अमेरिकी झण्डा जलाए । मास्क लगाएका कार्यकर्ताले गर्वका साथ हिज्बुल्लाहको झण्डा फहराएका थिए । उनीहरुले इजरायलविरोधी नारा समेत लगाएका थिए ।
अमेरिकी झण्डा जलाउने लगायत झण्डाको कैयन प्रकारको दुरुपयोग अमेरिकामा दण्डनीय छैन । अमेरिकी सर्वोच्च अदालतले सन् १९८९ मा टेक्सास भर्सेस जोनसनको मुद्दामा यसबारे निर्णय गर्दै झण्डा जलाउनु गैरकानूनी नभएको र यसलाई संविधानको पहिलो संशोधनद्वारा संरक्षित वाक स्वतन्त्रताको रूपमा मान्नुपर्ने उल्लेख गरेको थियो ।
Masked Non-binary woman burns the American flag during a pro-Palestine protest in NYC today.
— Oli London (@OliLondonTV) April 15, 2024
तर न्युयोर्क सिटीमा खुलेआम देखाइएको हिज्बुल्लाह झण्डाको तस्बिरले सामाजिक सञ्जालमा बहस निम्त्याएको छ । पहिले मिशिगन र इलिनोयमा अमेरिकाको मृत्युुको नारा लगाइएको तथा अहिले न्युयोर्कमा आतंकवादी समूह हिजबुल्लाहको झण्डा फहराइएको उल्लेख गर्दै रिपब्लिक सांसद निकोल मल्लियोटाकिस यो जो बाइडनेको अमेरिका भएको बताए । कोलम्बिया बिजनेस स्कूलका सहायक प्रोफेसर शाई डेविडाईले न्युयोर्क भएको घटनालाई घरेलु आतंकवाद भनेर निन्दा गरे।
प्रदर्शनको क्रममा पदर्शनकारीले अमेरिकी झण्डामा आगो लगाउँदा प्रहरीले यनलाई बाहिर निकालेको थियो । भीडले पछि ब्रुकलिन ब्रिजमा म्यानहट्टन जाने ट्राफिक रोकेको थियो भने पैदल दूरी पार गर्दै बार्कले सेन्टर, बरो हल र सिटी प्वाइन्ट मल तिर अगाडि बढेको थियो । बरो हल बाहिर र्याली गर्दा प्रदर्शनकारीहरूले अर्को अमेरिकी झण्डा जलाएका थिए । प्रहरीले दिनभरमा ४८ जनालाई नियन्त्रणमा लिएको थियो ।
१९ देखि २९ वर्ष उमेर समूहका चारजनालाई आक्रमण, पक्राउको प्रतिरोध, सरकारी प्रशासनमा अवरोध गरेको र अव्यवस्थित आचरणलगायत अभियोगमा पक्राउ गरिएको थियो । बाँकीलाई फौजदारी अदालतको तारिख दिएर छोडेको प्रहरीले जनाएको छ ।