न्युयोर्क क्षेत्रमा हिंस्रक चट्याङले १ को मृत्यु, स्ट्याचु अफ लिबर्टीमा प्रहार, ५० हजार विद्युतविहीन
प्रकाशित मिति : चैत्र २२, २०८० बिहीबार
न्युयोर्क सिटी क्षेत्रमा हिंस्रक आँधीबेहरी र चट्याङले रुख र बिजुलीका लाइन ढाल्दा कम्तिमा १ को मृत्यु भएको छ । अर्मोन्कमा कारमा रूख ढलेर लागेपछि एकजनाको मृत्यु भएको अधिकारीहरूले बताएका छन्। ६० माइल प्रतिघण्टाको गतिमा चलेको हावाले कैयन उडानहरु रद्द भए भने तीनवटा राज्यका झण्डै ५० हजार बासिन्दाहरू बिजुलीविहीन भएका थिए ।
न्युयोर्क र न्युजर्सीले विद्युत आपूर्तिमा अवरोधको सामना गर्नुपरेको हो । प्रत्येक राज्यले बिहान १० बजेसम्म कम्तिमा २० हजार घरमा विद्युत आपूर्तिमा अवरोध आएको रिपोर्ट गरेका छन् । विद्यतु आपूर्तिमा सबैभन्दा धेरै अवरोध क्रमशः वेस्टचेस्टर र मोनमाउथ काउन्टीहरूमा भएका थिए। कनेक्टिकटमा ६ हजार घरमा विद्युत आपूर्तिमा अवरोध रिपोर्ट गरिएको थियो ।
युटिलिटी कम्पनीहरुले प्रभावित ग्राहकहरूलाई सेवा पुनर्स्थापित गर्न काम गरिरहेको बताएका छन् । यद्यपि ठूलो उनीहरूको प्रयासमा बाधा पुगेको छ । एउटा कम्पनीले बेलुका ८ बजेसम्म १८० वटा तारहरू टुटेको र ३० भन्दा बढी पोलहरु भाँचिएको रिपोर्ट गरेको थियो। हावाहुरी बिहिबार बेलुकासम्म चल्ने अनुमान गरिएको छ । तापक्रममा आएको कमीले मामिलाहरूलाई जटिल बनाएको छ ।
कनेक्टिकटको फेयरफिल्ड काउन्टीमा ७० माइल प्रति घण्टाको दरले हावा चलेको थियो । ब्रूकफिल्डमा एउटा रूख कारमाथि थलेको थियो, कारमा आमा र तीन बच्चाहरू थिए भने उनीहरु किनमेलबाट घर फर्कदै थिए । गाडी ध्वस्त भएपनि परिवारलाई भने कुनै चोटपटक लागेन ।
बुधवार साँझ आँधीबेहरीका साथ स्ट्याचु अफ लिबर्टीमा चट्याङले प्रहार गरेको थियो । तल्लो क्षेत्रमा तटीय बाढी आएको थियो । क्वीन्सको ओजोन पार्क जस्ता न्युयोर्क सिटीका केही भागहरूमा ३ इन्चसम्म पानी परेको थियो । हिलसाइड लगायत न्युजर्सीका केही क्षेत्रहरूमा ४ इन्चसम्म पानी परेको थियो ।