मोटरसाइकल धेरै चोरी , सुरक्षाको लागि प्रहरीको निर्देशन मान्ने हो कि
प्रकाशित मिति : चैत्र २१, २०८० बुधबार
काठमाडौं उपत्यकाबाट मात्रै १ हजार ८ सय ४७ वटा मोटरसाइकल चोरी भएका छन । तीमध्ये ३ सय ७४ वटा मोटरसाइकल मात्रै फेला परेका छन् ।
फेला परेका मोटरसाइकलमध्ये २ सय ९१ वटा सम्बन्धित धनीलाई हस्तान्तरण गरिएको छ । २४ वटा मोटरसाइकललाई आवश्यक कारबाहीको लागि सम्बन्धित कार्यालयमा राखिएको छ । १७ वटा भन्सार कार्यालयमा बुझाइएको प्रहरीले जनाएको छ ।
प्रहरीले बाँकी ४२ वटा मोटरसाइकल सम्बन्धित धनीलाई बुझाउने क्रममा रहेको छ । चोरीमा संलग्न २९ जनालाई प्रहरीले पक्राउ गरी आवश्यक कानूनी कारबाही गरेको छ ।
चोरी रोकथाम गर्न काठमाडौं उपत्यका ट्राफिक प्रहरी कार्यालय रामशाहपथले सक्रियता बढाएको छ । पछिल्लो समय चैत १३ गते मात्र उक्त कार्यालयले फेला पारेका २० वटा मोटरसाइकल सम्बन्धित व्यक्तिलाई बुझाएको छ ।
चोरीका मोटरसाइकलको पाटपूर्जा खोली पुराना सक्कली मोटरसाइकलमा राख्ने गरेको अनुसन्धानबाट पत्ता लाग्ने गरेको छ । चोरी हुन नदिन सम्बन्धित धनी नै चनाखो हुनु बुद्धिमानी हो प्रहरीले सुझाब दिएको छ ।