अमेरिकाको इन्डियानामा गोली चल्दा १२ देखि १७ बर्षसम्मका ७ जना घाइते
प्रकाशित मिति : चैत्र १८, २०८० आईतबार
अमेरिकाको इन्डियाना राज्यको डाउनटाउन इन्डियानापोलिसमा शनिबार राति भएको गोलिकाण्डमा १२ देखि १७ वर्षका कम्तीमा सातजना घाइते भएका छन् । ठूलो समूह भेला भएको स्थानमा गोली चलेको प्रहरीले जनाएको छ ।
गस्तीमा रहेका प्रहरी अधिकारीहरूले स्थानीय समय अनुशार रातको साढे ११ बजे सर्कल सेन्टर मल नजिकै कैयन राउण्ड गोली चलेको सुनेका थिए । घटनास्थलमा पुग्दा त्यहाँ बालबालिकाहरुको ठूलो समुह रहेको थियो ।
सबै घाइते बालबालिकालाई स्थानीय अस्पतालमा लगिएको थियो । सातौं घाइतेलाई पछि क्षेत्रीय अस्पतालमा लगिएको थियो । सबै घाइतेहरुको अवस्था स्थिर रहेको जनाइएको छ ।
के कारणले गोली चल्यो वा कति व्यक्तिले गोली चलाएको भन्ने स्पष्ट छैन। इन्डियानापोलिस प्रहरीका अनुसार आइतवार बिहानसम्म कुनै संदिग्धहरू पक्राउ परेका छैनन् । प्रहरीले घटनामा हतियारहरू प्रयोग भएको विश्वास गरेको छ । प्रहरीले घटनाको अनुसन्धान गरिरहेको छ ।
प्रहरीले जमघटको प्रकृतिको बारेमा पनि जानकारी प्रदान गरेको छैन । प्रहरीले साँझमा किशोरहरूको ठूलो भीड शहरको क्षेत्र वरिपरि घुमिरहेको देखेको बताएको छ ।