न्युयोर्क सिटीमा फूल्न थाले ४० हजार चेरीका बोट, चेरी फूलेको कहाँ गएर हेर्ने ?
प्रकाशित मिति : चैत्र १७, २०८० शनिबार
न्युयोर्क सिटीमा वसन्त ऋतु फेरि आएको छ । यस क्षेत्रका चेरीका फूलहरू फेरि फुलेका छन्। न्युयोर्क सिटीका पार्कमा लगभग ६ हजार चेरीका रूखहरू रहेका छन् भने स्ट्रीटहरुमा ३४ हजार भन्दा धेरै चेरीका रुखहरु छन् ।
पहिलो चेरी फूलहरू देखिएको ब्रुकलिन बोटानिक गार्डेनले घोषणा गरिसकेको छ । चेरी रूखहरूको विविधता अनशार न्युयोर्क सिटीमा मार्चको अन्त्यदेखि मध्य अप्रिलसम्म चेरी फूलेको हेर्न सकिन्छ ।
पार्क विभागले फूल हेर्नका लागि सुझाव गरिएका ठाउँहरूको सूची कम्पाइल गरेको छ । जसमध्ये ब्रुकलिन बोटानिक गार्डेन वसन्तऋतुमा धेरैका लागि मनपर्ने स्थान हो जो चेरीका रूखहरूबाट झर्ने गुलाबी फूलहरूले भरिएको मैदानमा घुम्न चाहन्छन्।
अन्य छनोटहरूमा म्यानहट्टनको साकुरा पार्क, क्वीन्सको फ्लसिङ मीडोज कोरोना पार्क, ब्रोंक्सको पेल्हम बे पार्क र स्टेटन आइल्याण्डको सिल्भर लेक पार्क समावेश छन् । यी बाहेक अन्य स्थानहरु पनि छनौट गर्न सकिन्छ ।
उत्तरी न्यु जर्सीको ब्रान्च ब्रुक पार्क एसेक्स काउन्टी चेरी ब्लोसम फेस्टिभलमा भाग लिन खोज्नेहरूका लागि एक विकल्प हो, जुन अप्रिल १६ सम्म चल्छ। न्यु जर्सीले लामो समयदेखि उत्कृष्ट पिज्जा र बेगलहरुहरूसँगै यसले अझ बढि गर्व गर्दछ। किनभने त्यहाँ वाशिंगटन, डीसीमा भन्दा धेरै चेरी रूखहरूका छन् ।