नेपालीभाषीका लागि समेत काम गर्ने न्युयोर्कका गैर नाफामुलक संस्थाको आर्थिक स्थीति कस्तो छ ?


प्रकाशित मिति : चैत्र १६, २०८० शुक्रबार

न्युयोर्कका नेपालीभाषीहरुका लागि काम गर्ने विभिन्न संस्थाहरुमध्ये क्वीन्समा रहेका तीनवटा संस्थाहरु शीर्ष स्थानमा छन् । नेपालीभाषीको आप्रवास लगायत विभिन्न अधिकारका लागि सकृय रहदै आएका कारण गैर नाफामुलक संस्था अधिकार चर्चामा रहन्छ । त्यस्तै दक्षिण एसियालीहरुका आवासीय न्याय, अध्यागमन, आर्थिक न्याय र नागरिक संलग्नताका क्षेत्रमा काम गरेका कारण छाया सीडीसी चर्चामा रहन्छ भने ड्रमले न्युयोर्क सिटीमा कम आम्दानी भएका दक्षिण एसियाली आप्रवासीका पक्षमा काम गर्दै आएको छ ।

यी संस्थाहरुमध्ये ड्रम र छाया सीडीसीले हरेक बर्ष जनवरी १ देखि डिसेम्बर ३१ सम्मको साइकलमा ट्याक्स फाइल गर्छन् भने अधिकारले जुलाई १ देखि जुन ३० सम्मको साइकलमा ट्याक्स फाइल गर्दै आएको छ ।

छाया सीडीसीको २०२१ को ट्याक्स रेकर्ड

२०२१ मा छाया सीडीसीले सहयोग र ग्रान्टवापत सबैभन्दा धेरै २३ लाख ३६ हजार २ सय ४५ डलर प्राप्त गरेको देखिएको छ भने कार्यक्रम सेवाबाट ५ लाख ३९ हजार ७ सय ८ डलर गरी झण्डै २८ लाख डलर आम्दानी गरेको देखिन्छ । जसमा झण्डै १२ लाख ७६ हजार डलर कर्मचारीको तलबभत्तामा खर्च गरेको देखिन्छ । तर अघिल्लो बर्षको तुलनामा भने तलबभत्तामा खर्च केही कम देखिएको छ । अघिल्लोबर्ष सहयोग, ग्रान्ट र कार्यक्रम सेवाबाट झण्डै १९ लाख ७५ हजार डलर आम्दानी भएकोमा तलबभत्तामा १२ लाख ९५ हजार खर्च भएको थियो । अहिले संस्थासँग झण्डै २४ लाख डलरको नगद र सम्पत्ति रहेको छ ।

अधिकारको २०२१ जुलाईदेखि २०२२ जुनसम्मको ट्याक्स रेकर्ड

पछिल्लो ट्याक्स फाइल अनुशार २०२१ को जुलाई १ देखि सन् २०२२ को जुन ३० सम्म अधिकारले १८ लाख २८ हजार ९४१ डलर सहयोग र ग्रान्टवापत प्राप्त गरेको छ भने १ लाख १७ हजार २ सय ५० डलर कार्यक्रम सेवामार्फत आम्दानी गरेको छ । जसमध्ये ११ लाख ६५ हजार ७ डलर तलबभत्तामा खर्च भएको देखिन्छ भने ६ लाख ३० हजार ७ सय ६२ डलर अन्य खर्चमा देखिन्छ । अघिल्लो बर्ष अधिकारले २२ लाख १९ हजार ९ सय ३२ डलर सहयोग र ग्रान्टमा पाएको थियो ८ लाख ६८ हजार १ सय १३ डलर तलब भत्तामा खर्च गरेको थियो भने ३ लाख ३६ हजार ५ सय ५४ डलर अन्य खर्चमा देखिन्छ । अहिले अधिकारसँग झण्डै ३ मिलियन डलरको नगद र सम्पत्ति रहेको छ ।

ड्रमको २०२१ को ट्याक्स रेकर्ड

त्यस्तै २०२१ मा ड्रमको आम्दानी सहयोग र ग्रान्टबाट झण्डै १३ लाख ४१ हजार रहेकोमा तलबभत्तामा ७ लाख ३२ हजार खर्च गरेको देखिएको छ । अघिल्लोबर्ष ड्रमको आम्दानी सहयोग र ग्रान्टबाट झण्डै २० लाख डलर थियो भने कर्मचारीको तलबभत्तामा झण्डै ७ लाख ६ हजार खर्च भएको थियो । अहिले ड्रमसँग झण्डै २५ लाख डलरको नगद र सम्पत्ति रहेको छ ।

अन्य नेपाली संस्थाको के छ ?

यीबाहेक अन्य नेपाली संघ संस्थाहरुको आम्दानी त्यती उल्लेख्य देखिदैन । युनाइटेड शेर्पा एसोसिएसनले सन् २०२१ मा झण्डै ५ लाख डलर ग्रान्ट र सहायतामा पाएको देखिन्छ । त्योबाहेक अन्य आम्दानी समेत गर्दा उक्त बर्ष ८ लाख २९ हजार डलर आम्दानी भएकोमा तलब भत्तामा ९३ हजार डलर खर्च गरेको देखिन्छ । अल्लिो बर्ष झण्डै ३ लाख ६७ हजार आम्दानी भएकोमा तलबभत्तामा झण्डै ७६ हजार डलर खर्च भएको थियो । संस्थाको नगद र सम्पत्ति २०२२ को सुरुमा झण्डै साढे २२ लाख डलर रहेको थियो ।

युनाइटेड शेर्पा एसोसिएसनको २०२१ को ट्याक्स रेकर्ड

त्योबाहेक न्युयोर्कका अधिकांश नेपाली संस्थाहरुको आम्दानी ५० हजार डलरभन्दा कम भएकाले प्रायले इपोष्टकार्ड फाइल गर्छन् । रिजउड नेपाली समाजको सन् २०२१ मा सहयोगवापत १२ हजार ९ सय ११ डलर प्राप्त गरेको थियो भने २०२२ मा यसमा बृद्धि भएर १ लाख १४ हजार १ सय २३ डलर पुगेको थियो । बेनिफिटवापत १५ हजार ७ सय ७४ डलर तिरेको देखाइएको छ भने २०२३ को सुरुमा संस्थाको नगद र सम्पत्ति ८ लाख ३२ हजार ९ डलर रहेको देखाइएको छ ।

रिजउड नेपाली समाजको २०२२ को ट्याक्स रेकर्ड

न्युयोर्कका केही नेपाली संघ संस्थाहरुले भने कैयन बर्षदेखि ट्याक्स फाइल नगरेको समेत देखिएको छ । ५० हजारभन्दा कम आम्दानी भएमा ईपोष्टकार्ड फाइल गर्नसक्ने भएतापनि उनीहरुले ईपोष्टकार्ड पनि फाइल नगरेको देखिएको छ ।

 

 

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com