बाल्टिमोरको पुल भत्किँदा बेपत्ता दुई निर्माण मजदुरको शव पिकअप ट्रकमा फेला
प्रकाशित मिति : चैत्र १४, २०८० बुधबार
बाल्टिमोरको पुल भत्किँदा बेपत्ता दुई निर्माण मजदुरको शव गोताखोरहरुले पिकअप ट्रकमा फेला पारेका छन् । स्कट की ब्रिज नजिकै पाटापस्को नदीको चिसो पानीमा खोजिरहेका गोताखोरहरूले हराएका निर्माण मजदुरहरूको दुई शव रातो पिकअप ट्रक भित्र फेला पारेका हुन् ।
प्रहरीले मृतक एकजना बाल्टिमोरका ३५ वर्षीय अलेजान्ड्रो हर्नान्डेज फ्युएन्टेस भएको जनाएको छ । उनी मेक्सिकन मूलका हुन् । अर्का मृतक मेरिल्याण्ड निवासी डोर्लियन कास्टिलो रहेको जनाइएको छ । उनी ग्वाटेमालाको मूलका हुन् । फ्रान्सिस स्कट की ब्रिजमा काम गरिरहेका निर्माण दलका अन्य चार सदस्यको शव मंगलबार बिहान एक कार्गो जहाजले किचेको थियो । उनीहरु अझै पनि बेपत्ता छन् भने मृत्यु भइसकेको अनुमान गरिएको छ।
अझैसम्म बेपत्ता भएका मध्ये दुई जना होन्डुरसका मेनर सुआजो स्यान्डोभल र एल साल्भाडोरका मिगुएल लुना भएको जनाइएको छ । अन्य दुई जनालाई भने मंगलबार बिहान जीवितै उद्धार गरिएको थियो, जसमध्ये एकलाई उपचार पछि अस्पतालबाट डिस्चार्ज गरिएको छ ।