न्युयोर्कको म्यानहटन प्रवेश गर्ने गाडीलाई अब १५ डलर शुल्क, जुनदेखि लागु
प्रकाशित मिति : चैत्र १४, २०८० बुधबार
मेट्रोपोलिटन यातायात प्राधिकरणले राष्ट्रको पहिलो भीड मूल्य निर्धारण योजनालाई अनुमोदन गरेपछि न्यूयोर्क सिटीका चालकहरू म्यानहट्टनको केन्द्रीय व्यापार डिस्ट्रिक्टमा प्रवेश गर्न नयाँ शुल्क तिर्नुपर्ने नियमको नजिक पुगेका छन् । न्युयोर्कको म्यानहटनका लागि १५ डलर भीड मूल्य निर्धारणले अन्तिम ग्रिनलाइट पार गरेको हो ।
एमटीए बोर्ड सदस्यहरूले ६० स्ट्रीट र त्योभन्दा तल म्यानहटनमा प्रवेश गर्न प्राय सवारी साधनहरूले १५ डलर टोल शुल्क तिनुपर्ने नियम अनुमोदन गर्न बुधबार मतदान गरेका छन् । मतदानमा टोलका पक्षमा ११ जना र विपक्षमा १ जनामात्र देखिएका थिए । यो कार्यक्रमले एमटीएको सबवे, बस र यात्रु रेलहरूको सञ्जाललाई आधुनिकीकरण गर्न प्रति वर्ष अनुमानित १ बिलियन डलर प्रदान गर्ने अपेक्षा गरिएको छ ।
न्युयोर्क सिटीका सडकहरूमा भींड कम गर्न, पैदल यात्रुहरूको सुरक्षा बढाउन, ट्राफिक हिंसा कम गर्न, हावामा सुधार गर्न यो शुल्कको आवश्यकता रहेको यसका पक्षधरहरुले बताएका छन् । आजको ऐतिहासिक मतदानले राष्ट्रको पहिलो भीड मूल्य निर्धारण कार्यक्रमको लागि मार्ग प्रशस्त गरेको छ ।
मूल्य निर्धारण संरचनामा १५ डलरको न्यूनतम टोल समावेश छ । स्कूल बसहरू, यात्रु बसहरू र केही सरकारी सवारीहरूको लागि छुट दिइनेछ । ट्रकहरूलाई तिनीहरूको प्रकारको आधारमा २४ वा ३६ डलर चार्ज गरिनेछ। यो कार्यक्रम जुनमा सुरु हुने तय भएको छ ।
यो कार्यक्रम विवादास्पद छ । यसले कार्यान्वयनलाई रोक्न वा ढिलाइ गर्न सक्ने धेरै अदालती चुनौतीहरूको सामना गरिरहेको छ । भीड मूल्य निर्धारणले स्थानीय बासिन्दाहरूलाई घर फर्कन मात्र शुल्क तिर्न बाध्य पार्ने र साना व्यवसायहरूलाई दबाब श्रृजना गर्ने आलोचकहरुको भनाई छ ।
न्युयोर्क सिटीमा यात्रा गर्ने न्युजर्सीका ड्राइभरहरूका लागि यो योजनाले म्यानहटनमा पुग्नको लागि क्रसिङहरूमा तिर्ने शुल्कहरूका अतिरिक्त शुल्क थप्नेछ । नेवार्कको न्युजर्सी डिस्ट्रिक्ट कोर्टले गभर्नर फिल मर्फीको कानुनी चुनौतीमा अप्रिल ३ मा मौखिक तर्कहरू सुन्ने तयारी गरेको छ।