न्युजर्सीका व्यक्तिले जिते १ दशमलव १३ बिलियन डलरको मेगा मिलियन ज्याकपट
प्रकाशित मिति : चैत्र १४, २०८० बुधबार
अमेरिकामा मंगलबार राती खोलिएको १ दशमलव १३ बिलियन डलरको मेगा मिलियन ज्याकपट न्युजर्सीका व्यक्तिले जितेका छन् । टिकट न्युजर्सीको मोनमाउथ काउन्टीमा बेचिएको थियो । यो खेलको इतिहासमा पाँचौं सबैभन्दा ठूलो ज्याकपट र यस वर्षको सबैभन्दा ठूलो मेगा मिलियन ज्याकपट हो ।
डिसेम्बरको शुरुदेखि नै बढ्दै गएको ज्याकपटको विजेता अगाडि आएको छैन । न्युजर्सी लोटरीले बुधबार नेप्च्युन टाउनशिपमा शपराईट लिकरले टिकट बेचेको घोषणा गरेको छ । विजेता नम्बरहरु ७, ११, २२, २९, ३८ र गोल्ड मेगा बल ४ थिए। राज्यका लोटरी अधिकारीहरूले बुधवार दिउँसोको लागि रुट ६६ मा रिटेलरको स्थानमा एक पत्रकार सम्मेलनको तालिका बनाएका छन्। बिक्रेताले ३० हजार डलर बोनस चेक प्राप्त गर्नेछन् ।
न्युजर्सीमा विजेता अज्ञात बस्न पाउने अधिकार समेत रहेको छ । ज्याकपट जित्नका लागि सबै छ बलहरू मिलाउनुपर्छ । मंगलबारका भाग्यशाली विजेताले ३० वार्षिक किस्तामा वा एकमुष्ठ झण्डै ५३७ मिलियन डलर नगद लिने विकल्प हुनेछ । यद्यपि संघीय करहरूले यो रकमलाई केही घटाउँछ । एकमुष्ट रकम लिंदा अनिवार्य २४ प्रतिशत संघीय कर तिनुपर्छ । ३७ प्रतिशत सम्मको संघीय सीमान्त दरले यसलाई अझ कम गर्छ केही राज्यहरुमा राज्यको कर समेत तिर्नुपर्छ ।
मेगा मिलियन चिठ्ठा अमेरिकाका ४४ वटा राज्यहरुमा खेल्न सकिन्छ । साथै वासिंटन डिसी र युएस भर्जिन आइल्याण्डमा पनि खेल्न सकिन्छ । मेगा मिलियन हरेक मंगलबार र शुक्रबार न्युयोर्क समय अनुशार राती ११ बजे खोलिन्छ । यो टिकटको मूल्य २ डलर रहेको छ । खेल्ने व्यक्तिले १ देखि ७० भित्रका ५ वटा नम्बर र १ देखि २५ भित्रको एउटा नम्बर छनौट गर्नुपर्छ ।
त्यस्तै बुधबार खोलिने पावरबल ज्याकपट पनि ८६५ मिलियन डलर पुगेको छ । पावरबल चिठ्ठा अमेरिकाका ४५ वटा राज्यहरुमा खेल्न सकिन्छ । साथै वासिंटन डिसी, पोर्तोरिको र युएस भर्जिन आइल्याण्डमा पनि खेल्न सकिन्छ । पावरबल लोटरी सोमबार, बुधबार र शनिबार न्युयोर्क समय अनुशार राती १० बजेर ५९ मिनेट जाँदा खोलिन्छ । यो टिकटको मूल्य २ डलर रहेको छ ।
तर लामो अनुसन्धानले देखाउँछ कि स्टक बजार लोटरी किन्नुभन्दा राम्रो विकल्प हो। लोटरीको सपना देख्ने कुनै व्यक्तिले सन् २००२ देखि लोटरी टिकटहरूमा प्रत्येक महिना ४० डलर खर्च गरेमा यो रकम प्रत्येक वर्ष ४८० डलर हुन आउँछ । त्यो सबै रकम प्राय हार्ने सम्भावनामा नै पर्छ । यसरी हिसाब गर्दा २० बर्षमा तपाईले झण्डै १० हजार डलर गुमाउनुहुनेछ ।
लोटरी सपना देख्नुको सट्टा त्यो व्यक्ति स्टक मार्केटमा लगानी गरेको खण्डमा बढी नाफा कमाउन सक्ने विज्ञहरु बताउँछन् । उक्त व्यक्ति हरेक महिना ४० डलर एस एण्ड पी ५०० मा हालेको भएमा उक्त व्यक्तिले २० बर्षमा झण्डै २२ हजार डलर नाफा कमाउन सक्थ्यो । उक्त स्टकको बार्षिक बृद्धिदर सन् २००२ देखि २०२२ सम्म ८ प्रतिशत रहेको थियो ।