पानी जहाज ठोक्किएपछि बाल्टिमोरको डेढमाइल लामो पुल ध्वस्त, गभर्नरबाट संकटकालको घोषणा
प्रकाशित मिति : चैत्र १३, २०८० मंगलबार
बाल्टिमोरको फ्रान्सिस स्कट की पुलमा कन्टेनर पानी जहाज ठोक्किएपछि ध्वस्त भएको छ । उद्धारकर्मीहरूले धेरै व्यक्ति र सवारी साधनहरू पानीमा खसेको जनाएका छन् । अधिकारीले १ दशमलव ६ माइल लामो चार लेनको पुल भत्किनु भयानक दुर्घटना भएको र सीमित दृश्यताका कारण उद्धारकर्ताहरूका लागि अवस्था असुरक्षित भएको चेतावनी दिएका छन् ।
यो पुल पटापस्को नदीमा फैलिएको छ भने बाल्टिमोर हार्वरको सबैभन्दा बाहिरी क्रसिङको रूपमा काम गर्दछ। यो इन्टरसेक्सन ६९५ वा बाल्टिमोर बेल्टवेको एक अत्यवश्यक लिङ्क हो।
HOLY CRAP! The Francis Scott Key Bridge has collapsed after a ship collision in Baltimore. The 1,200 feet (366 m) span bridge was the third longest span of any continuous truss in the world.
— Eric Feigl-Ding (@DrEricDing) March 26, 2024
मेरिल्याण्डका गभर्नर वेस मूरले पुल भत्केपछि संकटकालको घोषणा गरेका छन् । मूरले आफ्नो कार्यालय अमेरिकी यातायात सेक्रेटरी पीट बुटाजज, बाल्टिमोरका मेयर, काउन्टी कार्यकारी र आपतकालीन सेवाहरूसँग नजिकको सम्पर्कमा रहेको बताएका छन् ।
Thoughts on this?
The ship crashed into Baltimore’s Francis Scott Key Bridge pic.twitter.com/oo7K3kvaX7
— Matt Irvin (@mattliveworld) March 26, 2024
मंगलबार बिहानै एउटा कार्गो जहाज बाल्टिमोरको पूर्वी तटीय महानगरको बन्दरगाहमा रहेको चार लेनको फ्रान्सिस स्कट की पुलमा ठोक्किएको थियो । जसको कारण यो पुल भत्किएको हो । पुल भत्किएपछि कम्तीमा छ जना बेपत्ता भएका छन् । उद्धार टोलीले पानीमा हराइरहेका मानिसहरुको खोजी जारी राखेका छन् । जहाज पुलमा ठोक्किएको बेला पुलमा आठ जना रहेको जनाइएको छ । तीमध्ये दुईजनालाई आज पानीबाट बचाइएको थियो ।
पुलसँग ठोक्किनु अघि जहाजका चालक दलले मेडे कल जारी गरेका थिए । भिडियोमा जहाजले ठक्कर दिएपछि चार लेनको पुल भत्किएको देखाइएको छ। राष्ट्रपति जो बाइडेनले घटनाबारे सम्बोधन गर्ने अपेक्षा गरिएको छ ।