भाडाका बस्नेहरुका लागि अमेरिकाका सबैभन्दा सस्ता ५ शहरहरू
प्रकाशित मिति : चैत्र ४, २०८० आईतबार
अमेरिकाका विभिन्न शहरहरुमा भाडादर उच्च भएपछि भाडामा बस्नेहरुले घरभाडाका लागिमात्र ठूलो रकम खर्च गर्नु परिरहेको छ । यो अवस्थामा भाडामा बस्नेहरुका लागि कुन शहरहरु सस्ता छन् भन्नेबारे जिज्ञासा हुनसक्छ वा सस्तो शहरमा सर्नेबारे विचार गर्नुभएको पनि हुनसक्छ ।
पश्चिमी न्यूयोर्कमा अवस्थित एक अमेरिकी सहर बफेलो भाडामा बस्नेहरुका लागि सबैभन्दा सस्तो अमेरिकी शहरहरूको सुचीमा शीर्ष स्थानमा रहेको छ । फेब्रुअरी सम्म शहरमा सामान्य भाडादर एक बेडरुम अपार्टमेन्टका लागि औषतमा १२८२ डलर रहेको छ ।
त्यस्तो दोश्रो नम्बरमा रहेको छ विसकन्सिनको मिलाउकी । यहाँको औषत भाडादर १३११ डलर रहेको छ । तसर्थ यो शहर पनि अमेरिकामा भाडामा बस्नेहरुका लागि किफायती मानिन्छ। त्यस्तै तेश्रोमा ओक्लोहोमाको ओक्लोहोमा सिटी रहेको छ । यहाँको औषत भाडादर १३२९ डलर रहेको छ ।
चौथो नम्बरमा रहेको छ मिजौरीको सेन्ट लुईस । यहाँको औषत भाडादर १३४३ डलर रहेको छ, जुन भाडामा बस्नेहरुका। लागि सस्तो रहेको छ । त्यस्तै पाँचौं नम्बरमा रहेको केन्टकीको लुईभिलमा औषत भाडादर १३५५ डलर रहेको छ । यदि तपाईपनि सस्तो शहरमा सर्न चाहनुहुन्छ भने लुईभिल पनि उपयुक्त विकल्प हुनसक्छ ।
यी अमेरिकामा सस्ता मुख्य शहरहरु हुन् । यीभन्दा सस्ता भाडादर भएका ग्रामिण क्षेत्रहरु र साना काउन्टीहरु पनि अमेरिकामा रहेका छन् ।