न्युयोर्कको क्वीन्स ईस्ट एल्महर्स्टमा ट्रकको ठक्करबाट ८ बर्षका बालकको मृत्यु, १० बर्षका बालक घाइते
प्रकाशित मिति : फाल्गुन ३०, २०८० बुधबार
न्युयोर्कको क्वीन्स ईस्ट एल्महर्स्टमा ट्रकको ठक्करबाट ८ बर्षका बालकको मृत्यु भएको छ । बुधवार क्वीन्सको क्रसवाकमा आमा र भाइसँग हिंड्दै गर्दा उनलाई पिकअप ट्रकले ठक्कर दिएको थियो ।
दुर्घटना ३१ एभिन्यु र १०० स्ट्रीटको इन्टरसेक्सनमा दिउसो सबा ४ बजे भएको प्रहरीले जनाएको छ । घटनामा अर्का १० बर्षका बालक पनि घाइते भएका छन् । अर्का बालक मृतकबालकका दाजु भएको र उनीहरु दुबैजना आमासँगै बाटो पार गर्न लागेका थिए ।
पिकअप ट्रक ३१ औं एभिन्यूबाट बायाँ मोडेर १०० औं सडकमा जाँदै थियो । चालकले झुकेर पैदलयात्री हेर्न असफल भएपछि दुई बालकलाई ठक्कर दिएको थियो । ८ वर्षीय बालकको घटनास्थलमै मृत्यु भएको प्रहरीले जनाएको छ । १० वर्षीय बालकको नाडीमा चोट लागेको छ । प्रहरीका अनुसार दुई बालककी ३७ वर्षीया आमालाई कुनै चोटपटक लागेको छैन ।
I was just notified that a 8 year old was struck and killed on 31st Ave and 100th St while walking with his brother, who is injured. We are waiting for more details.
Making sure pedestrian safety is in this budget just became that much more personal.
— Jessica Ramos (@jessicaramos) March 13, 2024
पिकअप ट्रकका ५२ वर्षीय चालक दुर्घटना पछि घटनास्थलमा नै बसेका थिए र प्रहरीलाई खबर गर्ने पहिलो व्यक्ति थिए । चालकलाई हिरासतमा लिइएको र अभियोग लगाइने जनाइएको छ ।
२००९ निसान टाइटन पिकअप ट्रक रातो बत्तीमा रोकिएको थियो। त्यसपछि हरियो बत्ति बल्ने बित्तिकै ट्रकले बाया मोड लिएको थियो । त्यही क्रममा परिवारलाई ठक्कर दिएको हो ।
यो घटना अत्यन्तै दुखद भएको र गाडी मोड्दा विशेष गरी बायाँ मोडदा चालकले सधैं सवारी साधन र पैदल यात्रीहरू भए नभएको झुकेर हेर्नुपर्ने प्रहरीको भनाई छ ।