न्युयोर्कमा कलशयात्राका झलक (फोटो फिचर/भिडियो)
प्रकाशित मिति : ७ भदौ २०७४, बुधबार
न्युयोर्कको रिजउड र ज्याक्सनहाइटमा रिजउड नेपाली समाजको आयोजनामा कलशयात्रा गरिएको छ । दिउसो १२ बजेर ३० मिनेटमा रिउउडमा रहेको रिजउडको ७८९ वेकफ एभिन्युबाट कलश यात्रा सुरु गरिएको थियो । कलशयात्रा पुट्नाम एभिन्युहुँदै दुर्गा मन्दिर तथा सांस्कृतिक केन्द्र निर्माणस्थल हुँदै अगाडि बढेको थियो । त्यसपछि न्युयोर्कको ज्याक्सनहाइटमा पनि कलशयात्रा गरियो । सप्ताहब्यापी महापुराणको उद्घाटन अघि ज्याक्सनहाइटबाट सत्यनारायणमन्दिरसम्म कलशयात्रा गरिएको हो ।
कलशयात्रामा २ सय भन्दा धेरैले भागलिएका छन् । १०८ वटा ठूला कलश र अन्य साना कलश बोकिएको कलश यात्रा उपसंयोजकमा पण्डित उद्धव शास्त्रीले जानकारी दिनुभयो । विशेष पूजापछि बोकिएका कलश ठूलो कलशका लागि १ सय १ डलर र सानो कलशका लागि ५१ डलर तिरेर घरमा लैजान सकिने व्यवस्था गरिएको थियो ।
