भूकम्पको केन्द्रविन्दु जुम्लादेखि ४२ किलोमिटर दक्षिण : युएस जियोलोजिकल सर्भे
प्रकाशित मिति : कार्तिक १७, २०८० शुक्रबार
युएस जियोलोजिकल सर्भेले जुम्लादेखि ४२ किलोमिटर दक्षिणमा केन्द्रविन्दु बनाएर ५ दशमलव ६ रेक्टर स्केलको भूकम्प गएको जनाएको छ । भूकम्पको गहिराई १७ दशमलव ९ किलोमिटर रहेको युएस जियोलोजिकल सर्भेले जनाएको छ । भूकम्पको धक्का रामिडाँडा नजिक रहेको युएस जियोलोजिकल सर्भेको नक्साले देखाएको छ ।
नेपालको राष्ट्रिय भूकम्प मापन केन्द्रका अनुशार भूकम्प जाजरकोट केन्द्रबिन्दु भएर गएको थियो । भूकम्पबाट जाजरकोटसहितका जिल्लाहरुमा घरहरुमा क्षति पुगेको प्रारम्भिक विवरण प्राप्त भएको छ ।
भारतको राष्ट्रिय भूकम्प विज्ञान केन्द्रले भने नेपालमा केन्द्रविन्दु भएर ६ दशमलव ४ रिक्टर स्केलको भूकम्प गएको जनाएको छ । नेपालको स्थानीय समय अनुशार राती ११ बजेर ४७ मिनेटमा भूकम्पको धक्का महसुस गरिएको थियो । भूकम्पको धक्का नेपालसहित भारत र चीनमा पनि अनुभव गरिएको थियो ।
भूकम्पको धक्का कत्रो थियो भन्नेबारे फरक फरक विवरणहरु पनि आइरहेका छन् । कतिपय विवरणमा ६ दशमलव २ रिक्टर स्केल बताइएको छ भने कतिपयमा ५ दशमलव ९ रिक्टर स्केल बताइएको छ । कतिपय विवरणहरुमा ५ दशमलप ६ रिक्टर स्केल बताइएको छ ।
थप विवरण आउन बाँकी छ ।